sips;;lban

Open Now

Now Closed

呢間過江龍人氣咖啡店嚟來自韓國仁川，以刨冰同蛋糕聞名，位置座落於尖沙咀海運大廈，店內環境唔大，裝潢簡約，客人主要為情侶或閨蜜，平日晚上都滿座，想食嘅建議提早留位。漢堡排扒全日早餐打卡一流，漢堡扒圓碌碌，咬落爆汁且牛味出，旁邊附上煎蛋、牛油果、沙律菜、鬆軟吐司配蜜糖，細細份啱啱好。主食有濃鮮龍蝦意大利飯，飯粒軟糯，帶點咬口，上面有新鮮龍蝦肉，醬汁味都足，試試無妨。甜點有經典英式伯爵茶梳乎厘，三大塊，動L動L好可愛，估唔到食完都幾飽肚，旁邊淋上伯爵茶醬，伴上蕨餅、貝殼蛋糕、雪糕同忌廉，雖然好肥但會忍唔住一啖接一啖。飲品有蜜瓜在沙冰降溫時同天然蜂蜜棒棒冷熱咖啡，前者清新，後者冷熱交替，味道完美結合，讚👍 整體份量唔多，細食嘅建議可以加點小食開心分享，另外若有朋友仔生日都可以叫店員放生日派呀！