Video
Read full review
2024-07-10
1481 views
咁樣招呼生客永遠不會變熟客1.由book位開始，男職員A電話應對，頗為高姿態，我問有冇房，或者好啲的位置不想嘈到其他客人，佢答房要9000，算，仲話本來要收Deposit，不過今次免你啦，語氣益咗你咁樣樣2.食物整體算唔錯，配合返個價錢，中規中矩，但係個湯稀嗰啲，鵝肝做得好，澳牛扒唔值+$60，芝士拼盤餅乾唔夠，其他佐酒小吃份量少質素過得去3.頭兩支開瓶費免收，第三支開始要$100，no comments 4.食牛真搞笑，只有法芥沒有英式芥辣，我問職員B佢話要開粉撈英芥好麻煩，算5.根本成晚得四五台客最大枱我哋張枱，被安排坐近廁所，算，我哋人多會嘈啲，所以先至想要房啫6.職員B問我哋last order仲有冇嘢叫？答佢冇，跟住就水都冇杯，大家冇晒水先至斟一次咁多。7.登登登登！最氣憤係完全skip咗咖啡茶冇問我哋，因為大家掛住飲紅酒都忘記咗，係我錯！第二朝早share返啲相俾同事先發現Menu最底有行字coffee or Tea!不大甘心打電話去餐廳又係職員A，佢竟然答我咪問咗你哋要唔要Last 柯打囉！你哋冇話要咖啡茶喎，OMG ，我即刻串佢茶記都會問飲咩餐茶啦，佢就話或者下次你哋嚟
1.由book位開始，男職員A電話應對，頗為高姿態，我問有冇房，或者好啲的位置不想嘈到其他客人，佢答房要9000，算，仲話本來要收Deposit，不過今次免你啦，語氣益咗你咁樣樣
2.食物整體算唔錯，配合返個價錢，中規中矩，但係個湯稀嗰啲，鵝肝做得好，澳牛扒唔值+$60，芝士拼盤餅乾唔夠，其他佐酒小吃份量少質素過得去
3.頭兩支開瓶費免收，第三支開始要$100，no comments
4.食牛真搞笑，只有法芥沒有英式芥辣，我問職員B佢話要開粉撈英芥好麻煩，算
5.根本成晚得四五台客最大枱我哋張枱，被安排坐近廁所，算，我哋人多會嘈啲，所以先至想要房啫
6.職員B問我哋last order仲有冇嘢叫？答佢冇，跟住就水都冇杯，大家冇晒水先至斟一次咁多。
7.登登登登！最氣憤係完全skip咗咖啡茶冇問我哋，因為大家掛住飲紅酒都忘記咗，係我錯！第二朝早share返啲相俾同事先發現Menu最底有行字coffee or Tea!
不大甘心打電話去餐廳又係職員A，佢竟然答我咪問咗你哋要唔要Last 柯打囉！你哋冇話要咖啡茶喎，OMG ，我即刻串佢茶記都會問飲咩餐茶啦，佢就話或者下次你哋嚟，送啲甜品俾你哋囉！跟住我極度不滿窒咗佢幾句，佢嘅說話態度就係：點呀？仲想R咩啊？咁樣。
佢冇講出口，但係令到你無法再講落去！佢唔去做客服嘥晒啦，令到啲客人覺得自己好乞兒咁！算！收線，冇下次，就算比我飲返嗰七杯茶我都唔會嚟囉
講返間餐廳裝修係幾好，情調唔錯。但係個黑廁熱到嘔，完全冇空氣
食飯期間職員A全程冷漠的態度，又黑面，零招呼，感覺好似睇唔起啲客咁樣樣。反觀職員B態度尚可，serves 嘢拎嘢乜都係佢做晒。
心諗，正常高檔小小既西餐侍應都會問吓你啲食物O唔OK，完全冇囉，整體招呼係茶記咁上下。懷疑呢間嘢可以生存幾耐呢？
可能職員A係老細，真心覺得佢態度囂張，可能看不起我們，但真金白銀來吃飯，點解唔俾餐茶仲要屈我哋last order 冇叫，認真嬲，枉我老細仲俾咗$100貼士俾佢，我同同事們講返餐茶呢件事，佢哋都話唔會再嚟亦不會介紹朋友嚟！
唔係嗰杯茶嘅錢問題，完全係反映香港餐飲業態度嘅問題，所以執笠唔好怪人，學李根興話齋，生意唔好檢討吓啦😤浪費咗咁好嘅場地同埋有心做食物嘅師傅
Post
