SMILEY CAFE with eGG (Closed)

今日陪朋友去朗豪坊睇吓有冇啲平靚正眼鏡.話要去扮吓文青,點知俾我發現到間嘢又賣眼鏡又有餐廳.我差啲以為我要行到條友買到我先可以坐底食嘢!我即刻攞咗個位叫佢自己慢慢揀眼鏡成間鋪都見到哈哈笑好開心，不過個肚打晒鼓叫嘢食先~Dinner Set價錢都好經濟最平六十幾蚊就有湯,主菜,飲品仲有甜品。鴨肉絲忌廉湯打得好平均唔會飲落口一舊舊,仲有塊脆卜卜熱辣辣嘅蒜蓉法包放喺上面.到主菜啦～意大利雲吞每隻都有半隻手掌咁大,外皮咬落煙靭小麥味濃,餡料就有肉碎同菜.加埋酸酸嘅醬汁感覺到好開胃食晒食碟都唔覺漏朋友就揀咗大蝦墨汁意大利飯香煎大虎蝦非常多膏蝦肉都新鮮彈牙,而墨汁意大利飯就煮得比較啱香港人口味唔會煮到生米咁,味道就充滿墨魚嘅鮮甜味!另外就叫多咗份雞翼薯條,薯條全部係肥嘟嘟又脆卜卜好味道，雞翼就係焗嘅,隻隻都金黃色咬落多汁味道甜甜地都幾好味飲品就叫咁波蘿梳打同檸檬梳打!消暑佳品仲炸過可樂又唔太肥跟餐有個甜品,用咗個玻璃造嘅半蛋殼,入面有吉士布甸上面加上朱古力餅碎!一個甜品又點可以解決到我今日嘅辛苦,所以就叫埋綿花糖朱古力奶~朱古力濃度非常高,奶味較少!本人十分喜歡~因為麻麻地太奶嘅東西.食完嘢朋友繼