Video
Read full review
2023-02-21
2250 views
美國知名廚師Jay McCarthy號稱牛之魔術師，佢黎到香港，當然要試下佢手勢，來港擔任客席主廚一職，直到三月，有興趣要試吓。旺角朗豪坊都應該一段時間無去過，原來有間新主打smoke grill 嘅餐廳，Smokehouse Grill，呢到有幾個Jay McCarthy special 的菜式勁多朋友讚，於是唔試唔得，一於約朋友一大班去試吓。有幾個好signature嘅菜式，如Bourbon Cured Flank Carpaccio同肉類拼盤都好有誠意，唔係你一般認知嘅簡單煙燻食品，而且最驚喜嘅係埋單嘅時候出奇地比我想像中抵食好多。不過未食嘢之前，淨係Cocktail都令你花多眼亂，尤其是多種唔同嘅Cocktail，淨係叫一杯Grape & Grain 同old Fashion都已經係煙霧離漫，令到你不停打卡。前菜係法國魚子醬煙三文魚迷你筒，末睇餐牌見$288 / 6pcs以為會有啲貴，但食落去魚子醬加煙三文魚夾雜紛陣口感很一流，只怪太迷你。呢個特式煙燻豬腩生菜沙律係剛剛試到煙燻水準，個種好優雅的煙香，令到我更期待之後的煙燻菜式。Jay McCarthy 的另一個首本名菜，Bou
旺角朗豪坊都應該一段時間無去過，原來有間新主打smoke grill 嘅餐廳，Smokehouse Grill，呢到有幾個Jay McCarthy special 的菜式勁多朋友讚，於是唔試唔得，一於約朋友一大班去試吓。
有幾個好signature嘅菜式，如Bourbon Cured Flank Carpaccio同肉類拼盤都好有誠意，唔係你一般認知嘅簡單煙燻食品，而且最驚喜嘅係埋單嘅時候出奇地比我想像中抵食好多。
不過未食嘢之前，淨係Cocktail都令你花多眼亂，尤其是多種唔同嘅Cocktail，淨係叫一杯Grape & Grain 同old Fashion都已經係煙霧離漫，令到你不停打卡。
前菜係法國魚子醬煙三文魚迷你筒，末睇餐牌見$288 / 6pcs以為會有啲貴，但食落去魚子醬加煙三文魚夾雜紛陣口感很一流，只怪太迷你。
呢個特式煙燻豬腩生菜沙律係剛剛試到煙燻水準，個種好優雅的煙香，令到我更期待之後的煙燻菜式。
Jay McCarthy 的另一個首本名菜，Bourbon Cured Flank Carpaccio，個樣好特別，生牛肉你食得多，但呢種raw得黎又唔同口感又好重唔同配料香料嘅味，係香港應該只此一家。
肉類盛宴上場一刻，個個都不停打卡，當晚Jay McCarthy 介紹基本上每樣食物全部都經過最少八小時慢煮，講真，無論兩種唔同嘅腸仔，煙燻牛胸肉、墨西哥辣椒芝士腸、圖林根腸、烤豬肋骨、手撕豬肉、檸檬椰菜沙律、燒粟米個味道都同平時你吃到的有點分別，我自己個人最鍾意係兩個腸仔同牛胸肉，呢個signature可以話係必點。
雪松木板烤三文魚又係同你平時吃到的不同，我又冇問到究竟三文魚有冇經歷過慢煮，但其質感嘅獨特都係三文魚迷要試的東西。
大蝦香料燴飯，雖然同煙燻完全無乜關係，但係佢嘅飯質同同蝦嘅調味都係值得一讚，可能你會覺得無特別，但唔知點解佢會令我想起以前喺讀書時候米蘭嘅小店的意大利飯。
三種甜品煙燻拖肥香蕉、胡桃朱古力曲奇同紅絲絨士多啤梨餅乾雪糕各有千秋，但我個人一定最欣賞煙燻拖肥香蕉，因為佢跟番餐廳主題，又可以做到佢嘅效果，紅絲絨士多啤梨餅乾雪糕又係與別不同，如果你夠人腳，建議你都可以試多啲唔同嘅甜品。
Post
