Video
Read full review
2017-06-14
57 views
嚟到旺角嘅Smokey Ice，出面因為維修緊所以有啲棚架晌度。呢列吧檯有啲酒吧嘅感覺。牆上有漫畫英雄做主題嘅二次創作，幾有特色。單睇餐牌嘅相或者會以為只係普通嘅鐵板牛扒、漢堡包、吉列豬扒同腸粉，其實佢哋全部都係甜品嚟，都真係幾搞鬼，亦都係吸引我嚟試嘅主要原因。七成熟雪糕牛扒，用咗乾冰去營造煙霧迷漫嘅效果，雪糕牛扒側邊仲有花生醬西多士、燒香蕉、菠蘿粒同鮮士多啤梨，就好似薯餅、薯條同雜豆咁。雪糕牛扒外層係朱古力雪糕，切開之後中間就包住士多啤梨雪糕，徹底模仿返牛扒七成熟時嘅狀態，既認真又盞鬼。夢幻白桃雪葩，同樣地用咗乾冰製造煙霧效果，維持時間比我之前晌其他地方食過嘅耐好多，大可以安心慢慢影相。雪葩用白朱古力小花點綴，入面就有啲白桃粒晌度，質感細滑清甜，都唔錯。（附上影片，openrice要電腦桌面版先可以睇到）
嚟到旺角嘅Smokey Ice，出面因為維修緊所以有啲棚架晌度。
呢列吧檯有啲酒吧嘅感覺。
牆上有漫畫英雄做主題嘅二次創作，幾有特色。
單睇餐牌嘅相或者會以為只係普通嘅鐵板牛扒、漢堡包、吉列豬扒同腸粉，其實佢哋全部都係甜品嚟，都真係幾搞鬼，亦都係吸引我嚟試嘅主要原因。
七成熟雪糕牛扒
11 views
0 likes
0 comments
七成熟雪糕牛扒，用咗乾冰去營造煙霧迷漫嘅效果，雪糕牛扒側邊仲有花生醬西多士、燒香蕉、菠蘿粒同鮮士多啤梨，就好似薯餅、薯條同雜豆咁。
七成熟雪糕牛扒
8 views
0 likes
0 comments
雪糕牛扒外層係朱古力雪糕，切開之後中間就包住士多啤梨雪糕，徹底模仿返牛扒七成熟時嘅狀態，既認真又盞鬼。
夢幻白桃雪葩
7 views
1 likes
0 comments
夢幻白桃雪葩，同樣地用咗乾冰製造煙霧效果，維持時間比我之前晌其他地方食過嘅耐好多，大可以安心慢慢影相。雪葩用白朱古力小花點綴，入面就有啲白桃粒晌度，質感細滑清甜，都唔錯。
（附上影片，openrice要電腦桌面版先可以睇到）
Post
