So Bar (Closed)

享受每次同朋友一齊出嚟食飯飲嘢嘅時間，彷彿對住美食同美酒嘅時候，大家更能夠暢所欲言，置身於一個特別嘅時間同空間裏面。💭💬💭💬·燒鴨薄餅🍕有種將北京填鴨糅合西式薄餅嘅感覺，將原來嘅麵餅改成薄餅嘅餅底，效果幾特別又好食喎～ 仲有足夠嘅配菜同甜甜哋嘅燒鴨醬汁，成件事都係夾嘅！·馬來當歸燒春雞🐔本身都唔係好知當歸係咩味，不過當食咗呢隻燒春雞之後⋯ 你就會發現，好似多咗一層講唔出嘅味道，但又唔係平時用開嘅香料，相信嗰浸就係當歸嘅味道👅。咁嘅配搭所整出嚟嘅燒春雞又幾惹味喎～ 仲有粗身薯條🍟加茄汁食添～ 我係幾鍾意嘅～ 🤓🤓·燒豬頸肉🐷本身都好鍾意食豬頸肉。佢燒得香口，又有油香，但又唔會食到成口油喎～ 加埋靈魂人物嘅泰式雞醬就真係不得了～·四川雞翅🐔超級惹味，有晒花椒八角呢啲四川風味嘅配料，又夠晒辣～ 加埋有口感嘅少少芝麻，仲有少少麻辣感，真係一隻接一隻咁樣食。最重要係佢將雞中翼拆件，咁就會易食好多，係廚師嘅小心思嚟！！🙊·炸饅頭配咖央🍯搽咗蜜糖喺面嘅炸饅頭，加埋綠悠悠嘅斑蘭汁咖央醬，個組合幾新奇有趣。之但係夾得嚟，食落又幾好味喎～～·Flow🌊🌊係一杯幾重茶味嘅cocktail，一啲都唔甜，仲有少