misocool (Closed)

明明已是十月天，近排天氣仍舊悶熱，食日本菜都係一種解暑方法吧？由地鐵站行十分鐘左右，大汗踏細汗，一坐低即刻叫杯沙冰消消暑先。芒果沙冰好大杯！沙冰結實唔會水滴滴咁，透心涼。先食個刺身當頭盤啦，三文魚同三文魚腩都係爭少少錢，食個肥美啲嘅又幾好喎。厚切上枱，冰涼入口，油脂好重～好肥美跟住嚟一個大蝦沙津醒醒胃，芝麻醬汁滿瀉，份量都幾多食極唔完，不過大蝦彈牙得黎唔夠冰凍，室溫怪怪的。misocool特色雞翼，外表成隻雞槌咁！炸得熱辣辣香脆，單骨易食。焗廣島蠔非常鮮味，大隻得黎又唔腥，加上獨特醬汁都幾過癮！仲食左碗烏冬冇影到，最後黎個低脂乳酪作結～酸酸甜甜加上生果，感覺幾健康！