北海拉麵屋 (Closed)

喺sogo購物完，搵地方醫肚，貪近去咗呢間食日本嘢。環境方面，成間舖主要暗黑為主，冇乜生氣，冇咩日式感覺。待應2個，冇咩笑容，食完走時都冇人講多謝/再見，工作有啲hea。主要賣拉麵居多，小食唔太吸引。因為太肚餓，我同友人就一坐低就嗌咗個鰻魚飯、豬軟骨拉麵、紫薯天婦羅。食後感：用料一般，平平無奇。1. 鰻魚飯- （＄90）鰻魚略少，但ok，多汁啲會更好，米飯冇粒粒分明(懷疑唔係日本米)2. 豬骨湯底豬軟骨拉麵 -（＄75） (湯底任選)豬軟骨唔錯，唔會太Lun，但味道可加重，麵質普通，但唔會太軟。 3. 紫薯天婦羅 - （＄38）紫薯味道淡，冇咩味，炸粉份量尚可。總結食物冇特別，但因為肚餓，填飽肚子都算ok，份量都幾多，實飽。但質素就不要期望太多。