祥正飯店

Open Now

Now Closed

今日去左Sogo Thankful血拼，又要排隊人又多又逼血拼左一輪之後真系好攰。因為Sogo Thankful基本上Sogo個邊啲人多到好難行，出返Sogo見肚餓就決定貢去鵝頸橋個邊覓食。行下行下就隨便入左一間菜館裡邊食飯，點知有驚喜……我地叫左椒鹽瀨尿蝦、鹵水拼盆、避風塘炒蟹、蒜蓉粉絲蒸蟶子、啫啫通菜煲、黃金蝦。椒鹽瀨尿蝦，蝦殼都炸到好透基本上可以連殼食，好香口所以都叫左啤酒加上行完街真系好口渴。鹵水拼盆，所有野都鹵得好夠味但又吾會耐左好，掌握得岩岩好。避風塘炒蟹，蟹鉗肉質飽滿，沾上炸蒜同食，鮮甜又惹味。蒜蓉粉絲蒸蟶子，都係好香蒜味, 但又唔會搶左海鮮原本陣味，蒸得岩岩好又好爽口。連粉絲都好入味夾蔥蒜食一流!! 啫啫通菜煲，好有鑊氣, 而且好新鮮, 通菜好爽口, 唔多油之餘又煮得岩岩好唔會太淋, 好考功夫嫁，味道帶點微辣。正!!!黃金蝦球，蝦球夠彈牙而且好鮮味好新鮮，配埋啤酒大滿足。環境整潔舒適，侍應跟進速度快，飲飽食醉之後我地走既時候漏低左野，侍應還跑出來交返我地，我覺得佢地好老實。