Video
Read full review
2005-10-09
54 views
闊別四年多,再一次在此出食評.本來同個老友上soho食匈牙利菜,因為一時無帶銀包關係.結果有限米煮有限飯之下,去左九記隔離的"牛記茶室".Soho初長成個年頭,牛記曾在士丹頓街迄立左段日子.年前才搬到去歌賦街.在貴如執笠,民園退休,加埋牛記搬走埋,Soho,真係感覺soho.完全成為洋鬼子天下,留下來的,得番d"新派"中菜,味道實在不敢恭維.對一d 住在Soho的中年漢黎講,想踢對拖,落樓下食下住家飯的機會也剝削.....去到歌賦街的牛記,不復當年破舊,門面典型街坊茶記格局,唔同在連MENU也是中英對照,擺明連老外都殺.事實上,座上不乏外國人.價錢在呢帶黎講,當你同果D賣到兩舊水一舊Foie Gras,六舊水一個set dinner的餐廳黎比的話......好親民架喇.例湯青紅蘿蔔粟米豬展湯,我的最愛.海蝦勝瓜肉崧蘿蔔,話係海蝦係呃你架je,光明病蝦而已.不過蘿蔔同勝瓜真係鮮甜,連帶個汁可送兩碗靚仔.剪脆皮肉餅,原理同煎藕餅一樣,係個質感比藕餅粗.豉汁蒸排骨,實實在在住家菜.兩個人三味一例湯真係夠食有突,份量可夠三個人分.感覺比Soho上用你幾舊水,食左落肚都唔知係咩的confusio
本來同個老友上soho食匈牙利菜,因為一時無帶銀包關係.
結果有限米煮有限飯之下,去左九記隔離的"牛記茶室".
Soho初長成個年頭,牛記曾在士丹頓街迄立左段日子.
年前才搬到去歌賦街.
在貴如執笠,民園退休,加埋牛記搬走埋,Soho,真係感覺soho.
完全成為洋鬼子天下,留下來的,得番d"新派"中菜,味道實在不敢恭維.
對一d 住在Soho的中年漢黎講,想踢對拖,落樓下食下住家飯的機會也
剝削.....
去到歌賦街的牛記,不復當年破舊,門面典型街坊茶記格局,唔同在
連MENU也是中英對照,擺明連老外都殺.事實上,座上不乏外國人.
價錢在呢帶黎講,當你同果D賣到兩舊水一舊Foie Gras,
六舊水一個set dinner的餐廳黎比的話......好親民架喇.
例湯青紅蘿蔔粟米豬展湯,我的最愛.
海蝦勝瓜肉崧蘿蔔,話係海蝦係呃你架je,光明病蝦而已.
不過蘿蔔同勝瓜真係鮮甜,連帶個汁可送兩碗靚仔.
剪脆皮肉餅,原理同煎藕餅一樣,係個質感比藕餅粗.
豉汁蒸排骨,實實在在住家菜.
兩個人三味一例湯真係夠食有突,份量可夠三個人分.
感覺比Soho上用你幾舊水,食左落肚都唔知係咩的confusion菜充實得多.
真正Soho人,唔係盛裝去嘉咸街,擺花街果D club去clubbing果d,著住牛
記笠記踢住對拖去牛記,才是皇道.
Post
