Al Forno Pizzeria (Moved) New Location

星期五夜晚嘅蘇豪區特別熱鬧，四周圍都happy hour逼滿人，想搵間餐廳靜啲享受下星期五晚上都有啲難。行到鴨巴甸街轉右，公園對面有一間睇落好食舒適嘅餐廳，同朋友就入左去食晚餐。地方闊落，坐滿人都唔覺得好嘈，價錢來講算係相宜，侍應服務態度又好，整個晚上都好愉快。前菜要左水牛雞翼，味道好特別，同一般餐廳嘅唔同，呢度以黑醋煮成醬汁，酸味更高，作為開胃前菜最適合不過！沙律我們要了一個鮮蝦煙肉牛油果凱撒沙律，分量唔算好多，但樣樣材料都好新鮮！ 我哋人唔多，主食叫了一個Pizza Hula-Hula，材料越簡單越見真章，只有茄醬波蘿水牛芝士，即叫即整即焗，入口辣手，完全溶化芝士加甜茄醬一啲都唔稔，好好味！另外，148蚊就有一個咁大既pizza，我們3個人已經食唔哂，估唔到中環soho有咁平靚正野食！侍應推薦呢款Cucumber Line Fuzz飲品，青瓜味梳打，好清新既感覺，同熱辣辣pizza真係一大絕配！朋友要左peach iced tea, 唔係太甜，幾好幾好。