Video
Read full review
2018-09-07
41 views
得閒都要獎勵下自己同另一半，揾一間有情調既餐廳飲下酒品嘗一下美食，先至係享受人生。響SOHO區好多酒吧同埋餐廳，有時花多眼亂唔知點揀，朋友推介有一間有情調食物質素又高既餐廳 The Italian Club，聽個名就知食意大利菜。餐廳會送每人一杯welcome drink，sparking wine非常好飲，香檳又夠凍又易入口。Bread sticks配黑醋超級好味，尼款醋酸得離帶甜，唔需要加橄欖油已經夠。Grilled Tomino Cheese 將傳統芝士 烘烤一下，更令芝士散發香味，將小塊帶暖既芝士配多士，芝士軟、多士脆，口感非常好。Bruschetta 係一塊大多士上面放滿新鮮嘅車厘茄， 多士烘得香脆車厘茄新鮮又juicy，每一啖咬落多士都令到口裏面充滿車厘茄，十分滿足。Spaghetti Pesto 呢款意大利粉充滿豐富嘅芝士同埋蒜蓉味道，表面仲有大量芝士粉， 用橄欖油炒又香又唔油膩。Rip eyes on hot stone 係壓軸嘅菜式， 一塊高質嘅肉眼牛扒只係煎到 半熟，然後放喺一個熱石板上面，上枱之後你可以按你嘅喜歡再由熱石去加熱牛扒，牛扒嘅肉質一流，唔需要點醬汁已經
響SOHO區好多酒吧同埋餐廳，有時花多眼亂唔知點揀，朋友推介有一間有情調食物質素又高既餐廳 The Italian Club，聽個名就知食意大利菜。
餐廳會送每人一杯welcome drink，sparking wine非常好飲，香檳又夠凍又易入口。
Bread sticks配黑醋超級好味，尼款醋酸得離帶甜，唔需要加橄欖油已經夠。
Grilled Tomino Cheese 將傳統芝士 烘烤一下，更令芝士散發香味，將小塊帶暖既芝士配多士，芝士軟、多士脆，口感非常好。
Bruschetta 係一塊大多士上面放滿新鮮嘅車厘茄， 多士烘得香脆車厘茄新鮮又juicy，每一啖咬落多士都令到口裏面充滿車厘茄，十分滿足。
Spaghetti Pesto 呢款意大利粉充滿豐富嘅芝士同埋蒜蓉味道，表面仲有大量芝士粉， 用橄欖油炒又香又唔油膩。
Rip eyes on hot stone 係壓軸嘅菜式， 一塊高質嘅肉眼牛扒只係煎到 半熟，然後放喺一個熱石板上面，上枱之後你可以按你嘅喜歡再由熱石去加熱牛扒，牛扒嘅肉質一流，唔需要點醬汁已經好好味；
牛扒仍有四款醬汁附上供選擇，有醋、檸檬汁、辣椒油同埋松露醬，各款醬汁各有特色。
最後食埋買個甜品芒果tiramisu， 未曾食過用芒果做嘅tiramisu，原來比起原味更加好食，芒果又甜又新鮮，絕對推介。
整體The Italian Club食物有質素，Pasta、Pizza、Steak都好出色，價錢又唔貴，絕對係SOHO區既好選擇，尼d敢好既餐廳最好訂位，當日我平日去都差不多full。
Post
