Uncle Pizza, Pasta & Grill (Closed)

平時比較少行SOHO區，今日難得經過，試嚇嗰度嘅餐廳，朋友想食pizza同意粉，所以就揀咗呢間。有個大隻哥哥出嚟招呼我哋，態度親切友善，好有耐性咁同我哋介紹有咩推介食物同埋酒，不過我哋唔飲酒，所以冇叫。我哋得兩個人，所以只係叫咗一個意粉同一個Pizza，兩樣食物份量都好足，最後Pizza食唔曬仲要打包走。🍝白酒大蜆扁意粉意粉煮得軟硬適中，加咗酒入去煮，未食已經聞到陣香味，加上啲蜆勁多勁大隻，隻隻都肥嘟嘟脹卜卜，食落口仲好爽口彈牙，肉質好鮮甜。🍕Uncle Cowboy (B.B.Q. Lover)我本身係meat lover，又鍾意BBQ醬汁，所以見到Uncle Cowboy即刻諗都唔使諗就揀咗。Pizza上面有辣肉腸、辣味腸、火腿同青辣椒，非常惹味，加埋滿滿嘅芝士，一攞起拉絲拉到幾呎長，未食已經流曬口水。Pizza係脆餅底，雖然有肉有芝士，但係一啲都唔膩，食完一塊又一塊。去開SOHO區，一定要嚟呢間餐廳食，誠意推介！