Video
Read full review
2018-10-21
110 views
星期六晚出SOHO區，周圍酒吧都逼滿了人十分熱鬧，我同朋友行到大街嘅盡頭見到斜路上有間比較隱蔽嘅西餐廳，店內環境同大街相比截然不同，餐廳夠晒清靜，適合同朋友嚟暢所欲言，而且價錢又相對合理，所以我哋就毫不猶豫入咗呢間餐廳。一入到去當然先叫啤酒啦，亦都唔少得送酒小食，見到餐牌有炸番薯條好似幾特別就叫左，蕃薯條切得幼身，每條都炸得香脆，加上番薯獨特甜甜的味道，作為餐前送酒小吃實在令人食到停唔到口。跟著我地叫了個JT salad，雞胸肉瘦而不靭，食落仲有grill過嘅香味，另外沙律菜同車厘茄都爽脆新鮮，加上酸甜的黑醋汁令沙律份外清新。呢款mini crab cake雖然真係超級mini，但係啖啖新鮮蟹肉味道鮮甜，配上特製嘅醬汁，食完之後蟹肉嘅味道都仲留係口中。主菜方面，我地分別叫了個叫Beijing嘅鴨胸肉pizza同一碟蘑菇黑松露意粉。用鴨胸做配料嘅pizza真係未食過，感覺有啲似西式嘅北京填鴨，可能鴨胸肉始終少肥肉，食落比一般嘅pizza少了一份油膩，加上青瓜同京葱好有中西fusion嘅感覺，係一道十分特別且新穎嘅菜色。另外嘅蘑菇黑松露意粉有濃郁嘅黑松露味，蘑菇亦都厚切，有口感之餘蘑菇香味
一入到去當然先叫啤酒啦，亦都唔少得送酒小食，見到餐牌有炸番薯條好似幾特別就叫左，蕃薯條切得幼身，每條都炸得香脆，加上番薯獨特甜甜的味道，作為餐前送酒小吃實在令人食到停唔到口。
跟著我地叫了個JT salad，雞胸肉瘦而不靭，食落仲有grill過嘅香味，另外沙律菜同車厘茄都爽脆新鮮，加上酸甜的黑醋汁令沙律份外清新。
呢款mini crab cake雖然真係超級mini，但係啖啖新鮮蟹肉味道鮮甜，配上特製嘅醬汁，食完之後蟹肉嘅味道都仲留係口中。
主菜方面，我地分別叫了個叫Beijing嘅鴨胸肉pizza同一碟蘑菇黑松露意粉。用鴨胸做配料嘅pizza真係未食過，感覺有啲似西式嘅北京填鴨，可能鴨胸肉始終少肥肉，食落比一般嘅pizza少了一份油膩，加上青瓜同京葱好有中西fusion嘅感覺，係一道十分特別且新穎嘅菜色。另外嘅蘑菇黑松露意粉有濃郁嘅黑松露味，蘑菇亦都厚切，有口感之餘蘑菇香味也大增，仲有意粉唔會煮得太冧有咬口。
整體而言餐廳食物有水準，亦係soho區難得一間價錢相宜環境悠閒嘅西餐廳。
Post
