Video
Read full review
2020-06-15
85 views
何蘭正呢個餐廳名夠哂玩味，而無論呢度既環境同主打中西fusion菜既野食都認真可以用「好L正」形容😍餐廳裝潢行懷舊港式style，舊時冰室既佈置配粉紅色霓虹燈牌，復刻得黎又有格調，係好多人黎打卡既熱點。#65peel.🍴24小時慢煮伊比利叉燒，玫瑰露九龍醬園豉油皇鹵獅頭鵝肝配溫泉蛋豬油撈飯🐷($188)慢煮左24小時既叉燒肉質非常軟腍，一啲渣都無，我覺得佢既肥瘦度岩岩好，even配個豬油撈飯都無肥膩感，而個鵝肝都鹵得好入味，酒味好香鹹度都剛好👍🏻.🧂香辣白胡椒，白味噌煮紐西蘭鑽石蜆及粉絲🐚($168)見到每枱都必點呢碟，用上白味噌加白胡椒整成既湯底好香好濃郁，胡椒味配肥美厚肉既鑽石蜆好鮮味，呢啲咁香濃既湯汁我覺得一定要配索湯既食材食，而呢度配既粉絲就完全岩哂我口味，非常掛湯入味🤤.🥣葱油涼拌泰國王鱔，配醬油漬牛油果，萵荀沙律🥗($128)幾特別既一個菜式，好少食鱔係凍食既，點知又唔差喎！黃鱔啲骨唔多而且肉質比白鱔更爽口，加上葱油拌食好鮮味，好岩夏天食既小食。.🥢大澳風情蝦醬脆香雞翼🐥($88)雞翼炸得好香脆，切成單骨食起黎好方便，雖然唔係好食到蝦醬味不過就咁食都係正既😛.🍹芝麻花生湯圓
餐廳裝潢行懷舊港式style，舊時冰室既佈置配粉紅色霓虹燈牌，復刻得黎又有格調，係好多人黎打卡既熱點。#65peel
.
🍴24小時慢煮伊比利叉燒，玫瑰露九龍醬園豉油皇鹵獅頭鵝肝配溫泉蛋豬油撈飯🐷($188)
慢煮左24小時既叉燒肉質非常軟腍，一啲渣都無，我覺得佢既肥瘦度岩岩好，even配個豬油撈飯都無肥膩感，而個鵝肝都鹵得好入味，酒味好香鹹度都剛好👍🏻
.
🧂香辣白胡椒，白味噌煮紐西蘭鑽石蜆及粉絲🐚($168)
見到每枱都必點呢碟，用上白味噌加白胡椒整成既湯底好香好濃郁，胡椒味配肥美厚肉既鑽石蜆好鮮味，呢啲咁香濃既湯汁我覺得一定要配索湯既食材食，而呢度配既粉絲就完全岩哂我口味，非常掛湯入味🤤
.
🥣葱油涼拌泰國王鱔，配醬油漬牛油果，萵荀沙律🥗($128)
幾特別既一個菜式，好少食鱔係凍食既，點知又唔差喎！黃鱔啲骨唔多而且肉質比白鱔更爽口，加上葱油拌食好鮮味，好岩夏天食既小食。
.
🥢大澳風情蝦醬脆香雞翼🐥($88)
雞翼炸得好香脆，切成單骨食起黎好方便，雖然唔係好食到蝦醬味不過就咁食都係正既😛
.
🍹芝麻花生湯圓🥜($118)
其實呢度係岀名手工啤既，不過我本身麻麻地飲啤酒所以叫左杯幾有特色既cocktail，佢以中式茶杯呈上，個底係芝麻糊溝whisky同baileys，上層再唧左花生味既忌廉泡沫，飲落去好有層次，先飲到花生泡沫既鹹香，再試到baileys甜味加芝麻香，認真好唔錯👍🏻
.
Post
