木槿花韓牛專門店 (Closed)

置身中環蘇豪區，以韓牛為主打嘅木槿花，佔上下兩層面積，樓底高，空間感足。裝修走簡約西式路線，每枱均有個可伸展嘅抽風系統，所以店內未見油煙，唔會出現白濛濛嘅情況，用餐過後亦唔會全身油煙味👍🏻⭐️韓式前菜一坐低，店員好快手已經即刻幫忙set好哂所有嘢，水/生菜/醬料/前菜👍🏻⭐️韓式小食青瓜薄片包住醃蘿蔔，青瓜絲，蟹柳等，酸甜清新🤤⭐️韓牛廚師沙律沙律菜非常新鮮，清甜爽脆，配埋新鮮提子一齊食更香甜👍🏻煙燻過嘅韓牛薄片，入口有淡淡煙燻香氣，質感鮮嫩。所有燒烤服務都由店員待勞，佢地對所有食材嘅燒烤需時都瞭如指掌，我地坐定定等食就得🙆🏻‍♀️🙆🏻‍♀️⭐️是日稀有部位 : 大理石Top Blade顏色有光澤，脂肪分佈平均，呈大理石紋狀，肉質軟腍，肉味香濃。生熟呈度掌握得好，外層略帶焦香，內裡仍然粉嫩。⭐️醃牛肋條醃製過嘅牛肋條，香濃入味，燒烤過後非常惹味，肉質鮮嫩。⭐️厚切牛柳扒雪紋同油脂分佈平均，雪花紋路細緻，冇多餘油脂。店員先煎封底面兩邊，以鎖住肉汁，之後店員拎起切開牛柳，再燒烤。質感軟嫩，非常易咬，入口牛味濃郁，油脂甘香。⭐️蔬菜石鍋飯色彩繽紛，石鍋熱辣辣，同樣由店員代勞幫忙拌匀，韓式辣醬則另上，方便自行調