Video
Read full review
2019-07-07
75 views
Nepal Nepalese Restaurant (中環)中環蘇豪士丹頓街14號地下-有一次約朋友係SOHO區食完飯 路過見到呢間餐廳裝修雅緻有格調 感覺好吸引 上網research完之後發現 原來呢間餐廳係香港已經有24年歷史 仲要係食香港少見嘅尼泊爾菜 令B仔好想試 終於前兩日就按捺不住拉左朋友仔黎左呢度一齊試下新野～-◆香草炸茄子🍆Bheta Tareko（$92）一共有六塊 每塊都半個手掌咁大 好少見咁大塊茄子 茄子外皮香脆 內裡香軟 表面帶有少少微辣嘅紅色粉末 有少少似燒烤用嘅孜然粉味 但又唔完全相同 整體好似覺得自己食緊茄子串燒嘅感覺😄-◆BBQ烤雞 Luiche Rana Pariwar（$148）雞件全部都係用雞胸位 唔算極度嫩滑 但都絕對唔會嚡口 感覺健康 調味醬料亦用得到位 唔會太濃味造成口渴 雞肉下面擺放左好多蔬菜 有青椒 紅蘿蔔 洋蔥同雜菜絲等等 吸曬d油份 令人食落唔會感覺油膩～😊-◆尼泊爾咖哩羊 Khasi Kathmandu （$155）辣度可以隨意選擇 而B仔就試咗最溫和嘅辣度 食落確係一啲都唔辣 只有辣香 怕辣嘅人都完全Handle到 咖喱味超級香濃
中環蘇豪士丹頓街14號地下
-
有一次約朋友係SOHO區食完飯 路過見到呢間餐廳裝修雅緻有格調 感覺好吸引 上網research完之後發現 原來呢間餐廳係香港已經有24年歷史 仲要係食香港少見嘅尼泊爾菜 令B仔好想試 終於前兩日就按捺不住拉左朋友仔黎左呢度一齊試下新野～
-
◆香草炸茄子🍆Bheta Tareko（$92）一共有六塊 每塊都半個手掌咁大 好少見咁大塊茄子 茄子外皮香脆 內裡香軟 表面帶有少少微辣嘅紅色粉末 有少少似燒烤用嘅孜然粉味 但又唔完全相同 整體好似覺得自己食緊茄子串燒嘅感覺😄
-
◆BBQ烤雞 Luiche Rana Pariwar（$148）雞件全部都係用雞胸位 唔算極度嫩滑 但都絕對唔會嚡口 感覺健康 調味醬料亦用得到位 唔會太濃味造成口渴 雞肉下面擺放左好多蔬菜 有青椒 紅蘿蔔 洋蔥同雜菜絲等等 吸曬d油份 令人食落唔會感覺油膩～😊
-
◆尼泊爾咖哩羊 Khasi Kathmandu （$155）辣度可以隨意選擇 而B仔就試咗最溫和嘅辣度 食落確係一啲都唔辣 只有辣香 怕辣嘅人都完全Handle到 咖喱味超級香濃 無論撈飯撈咖喱都正到不得了 羊肉亦煮得非常軟腍入味 整體非常高質 ～🥰
-
◆香草藏紅花米 Saffron Rice （$78）係尼泊爾嘅傳統主食 米粒用8種香料以尼泊爾傳統銅製的器皿黎烹制而成 粒粒都好細長好乾爽 好食得黎 外型好特別 分量亦好多 足夠兩個人食😋
-
◆自選尼泊爾薄餅 Naan （$55）最簡單嘅蒜蓉味同咖喱最夾 但山羊芝士味亦幾特別 芝士濃而不膩 香港唔多地方有得食 唔怕少少羊臊味的話 可以點一客試下😛
-
◆尼泊爾啤酒🍺Mustang Premium Lager 330ml （$48）聲稱係用珠穆朗瑪峰海拔超過5500米嘅山泉水提煉而成 而B仔試完都覺得味道確實好清新 冇咩苦澀味 飲落非常順喉 好爽甜 係好飲嘅啤酒～🤤
-----
👶🏻B仔整體評價：8.5/10個👍🏻
👶🏻B仔抵食程度：7.5/10個👍🏻
（網上訂位有折 午市較其他時間抵）
👶🏻B仔環境評分：8.5/10個👍🏻
（咁耐歷史 但環境依然幾靚幾舒服）
👶🏻B仔味道評分：8.5/10個👍🏻
（特別得黎好食）
👶🏻B仔回頭機會：8.5/10個👍🏻
-----
#swallowhongkong
跟住我一齊吞食香港啦！🤤
#swallowcentral
Post
