Video
Read full review
2024-08-06
200 views
SOHO一帶不嬲都有好多不同國家美食，今次去咗一間西班牙餐廳。起初都冇諗過西班牙菜，如果要叫素食可以有咩食，不過今餐真係非常驚喜，小編日後必定會帶朋友過嚟再食！Pimentos de Padrón 海鹽燒青椒 $98起初好擔心青椒會好辣不過幸好青椒非常容易入口，配上海鹽，非常開胃，而且其實都係一個唔錯嘅伴酒嘅小菜。Esparragos con Huevo y Jamon (no ham) 鮮蘆筍配黑毛豬火腿及溫泉蛋 （走火腿）$118雖然冇咗火腿，但係蘆筍本身非常幼嫩多汁，配上溫泉蛋味道一流。蘆筍要烤得熟，並且多汁都需要一啲技巧，所以睇得出廚師嘅用心。Champinones Varidos con Chutney de Almendra 炒雜菌配烤杏仁粒 $88呢個炒雜菌，並唔係平時見到用牛油炒嘅雜菌，而係落咗Sherry所以味道香甜，配上烤杏仁粒，軟硬口感平均，小編非常喜歡。Clásica Tortilla El Cerdo 傳統洋蔥薯仔西班牙奄列$88呢個西班牙奄列非常厚身，口感豐富，亦食到層次分明嘅薯仔洋蔥同埋醬汁，值得一試。Paella Clásica El Cerdo (V
Pimentos de Padrón
海鹽燒青椒 $98
起初好擔心青椒會好辣不過幸好青椒非常容易入口，配上海鹽，非常開胃，而且其實都係一個唔錯嘅伴酒嘅小菜。
Esparragos con Huevo y Jamon (no ham) 鮮蘆筍配黑毛豬火腿及溫泉蛋 （走火腿）$118
雖然冇咗火腿，但係蘆筍本身非常幼嫩多汁，配上溫泉蛋味道一流。蘆筍要烤得熟，並且多汁都需要一啲技巧，所以睇得出廚師嘅用心。
Champinones Varidos con Chutney de Almendra
炒雜菌配烤杏仁粒 $88
呢個炒雜菌，並唔係平時見到用牛油炒嘅雜菌，而係落咗Sherry所以味道香甜，配上烤杏仁粒，軟硬口感平均，小編非常喜歡。
Clásica Tortilla El Cerdo
傳統洋蔥薯仔西班牙奄列$88
呢個西班牙奄列非常厚身，口感豐富，亦食到層次分明嘅薯仔洋蔥同埋醬汁，值得一試。
Paella Clásica El Cerdo (Vegetarian)
招牌西班牙海鮮炒飯 (素食版) $188
呢個係小編其中一個最驚喜嘅餸菜。因為就連個名叫海鮮炒飯點會諗到竟然有素食版嘅西班牙炒飯。呢個炒飯而蕃茄汁做底，有別於平時海鮮炒飯嘅龍蝦湯底，味道酸酸甜甜。裏面有唔少餸菜，包括蘆筍、車厘茄、鷹嘴豆、及雜菇，完全係根據素食者需要嘅營養配搭出嘅炒飯，非常有誠意。
西班牙海鮮炒飯嘅精髓在於炒飯嘅底一定要係有飯焦，而呢個素食版炒飯係能夠做到嘅，而且由於蘆筍同車厘茄非常多汁，所以呢個炒飯能夠食得出有別於平時海鮮炒飯嘅味道，清新唔覺膩，食材嘅多樣性亦都提高咗呢道菜嘅口感。
最重要嘅係呢一個餸菜係Menu冇嘅，但係可以個別要求。睇得出廚師喺準備素食食物比客人嘅時候又認真同埋用心考慮過素食者嘅需要，而且非常有創意，唔係只係拎走夠用就當係素食。呢一樣嘢已經非常加分。
Crema Catalana
西班牙焦糖燉蛋 $58
佢同普通Creme Brulee唔同嘅地方有兩個，包括面層嘅焦糖有一層香橙味，食落比起一般出面嘅Creme Brulee香甜味更加出眾，而內層嘅燉蛋係較為mushy。後來問咗侍應哥哥，因為呢個焦糖布甸係以Catalan當地嘅煮法處理，主要分別係並非放喺焗爐完成，所以有興趣嘅朋友不妨可以試吓！
味道: 6/5
環境: 4/5
服務: 5/5
性價比: 5/5
Post
