Video
Read full review
2019-09-15
1706 views
日期：9月3日人數：2人如果lunch time時間充裕的話，我一般會選擇行遠少少，去到蘇豪區的伊利近街食飯。而我比較常去嘅餐廳，就係呢間食希臘同埋中東野嘅餐廳。但佢嘅set lunch其實同其他西餐差不多，唔會有大家覺得好奇怪嘅食物。Set lunch 包括一個前菜、一個主菜，同埋一杯飲嘢。前菜方面，除咗有湯可以揀之外，都有沙律可以選擇。但我一般都會點以下兩款：第一款叫Olive Mezze - Pita，係希臘嘅薄餅加茄子醬同鷹咀豆醬。另一款係Calamari，係炸魷魚圈。我第一次嚟呢間餐廳嘅時候，就係食呢兩款小食，覺得好食之後就好少食其他小食喇。主菜方面，主要推介以下幾款：第一款係Hanger Steak。牛扒煎得好香，富有牛肉味，又唔會過熟，加上芥茉醬好好食。第二款係燒雞，煮法每期可能會有少少變化，但係基本上都唔錯的。最後係煎魚，有時係Pan-fried salmon，有時係seabass，基本上水準都可以嘅。飲品方面，鍾意飲咖啡嘅人可以試吓佢嘅Arabic Coffee，都幾有特色架。但我一般都食得比較飽，所以會點番杯凍檸茶消下滯😅。餐廳喺蘇豪區入邊，環境當然係唔錯，坐得好舒
人數：2人
如果lunch time時間充裕的話，我一般會選擇行遠少少，去到蘇豪區的伊利近街食飯。而我比較常去嘅餐廳，就係呢間食希臘同埋中東野嘅餐廳。但佢嘅set lunch其實同其他西餐差不多，唔會有大家覺得好奇怪嘅食物。
Set lunch 包括一個前菜、一個主菜，同埋一杯飲嘢。前菜方面，除咗有湯可以揀之外，都有沙律可以選擇。但我一般都會點以下兩款：第一款叫Olive Mezze - Pita，係希臘嘅薄餅加茄子醬同鷹咀豆醬。另一款係Calamari，係炸魷魚圈。我第一次嚟呢間餐廳嘅時候，就係食呢兩款小食，覺得好食之後就好少食其他小食喇。
主菜方面，主要推介以下幾款：第一款係Hanger Steak。牛扒煎得好香，富有牛肉味，又唔會過熟，加上芥茉醬好好食。第二款係燒雞，煮法每期可能會有少少變化，但係基本上都唔錯的。最後係煎魚，有時係Pan-fried salmon，有時係seabass，基本上水準都可以嘅。
飲品方面，鍾意飲咖啡嘅人可以試吓佢嘅Arabic Coffee，都幾有特色架。但我一般都食得比較飽，所以會點番杯凍檸茶消下滯😅。
餐廳喺蘇豪區入邊，環境當然係唔錯，坐得好舒服。整體服務質素良好，侍應反應幾快，亦會主動問你覺得食物質素如何。價錢係蘇豪區來講算幾抵食。
Post
