SOLO UDON ソロうどん (Closed)

入面間隔真係好似自修室咁樣每個位都會有塊板擋住落單嗰陣時係用手機掃QR code掃完，之後職員會幫你去再confirm有冇落到order完全唔使擔心自己唔識用會落漏單👍🏻雞白湯叉燒烏龍麵呢個烏龍麵睇落去好似好貴咁，但係我覺得真係物有所值。個雞湯係類似史雲生忌廉雞湯嗰隻，好濃但飲完之後一啲都唔口渴，仲有兩塊叉燒都係肥瘦適中。佢個烏龍麵係手打烏冬咁嘅質地所以係好有口感。旁邊個碗係天婦羅碎，一開始我仲以為係醬料所以特登問職員呢碗嘢係咩嚟嘅，職員好細心咁解答完之後就擺咗呢一碗係我個位度不過因為我唔係特別太鍾意食天婦羅碎，所以就冇加入去個湯度。如果有機會都好想再encore呢間舖頭👍🏻👍🏻 真心高質