妙法齋

Open Now

Now Closed

年廿九為大年年初一o既晚飯準備，之前問過同事，話可以o係齋舖買齋魚，所以我走o黎訂一條。問問個女仔，佢好有耐性咁解答我問題，然後我入去訂喇。我訂o左一條免煎o既，到年三十朝同爸爸去買餸時就過o黎攞，亞姐畀一包五柳汁我，但我覺得唔夠，於是問佢攞多包，佢都好好人畀多包我。到（3﹣2﹣2011 Thur)大年初一，拎出o黎畀大嫂攪，我話妙法齋已經教o左我半煎炸，大嫂話咁樣會好油，因芋頭吸油，所以佢只煎，啊，好啦。煎好喇，開餐喇！二哥一家年年都有習慣去圓玄學院食齋，呢日佢o地都食o左齋魚，二哥一食就話芋頭唔靚，我食落就覺得味道唔夠，食唔到芋頭味，五柳汁就過酸了。條魚要＄50.00.