Video
Read full review
2018-12-19
179 views
一餐飯食得開唔開心除左食物質素之外，餐廳的環境同氣氛都相當重要！今日我同朋友偶然係北角發現左一間食物高質，環境又舒適的餐廳，推介指數相當高！呢間Soul 9+ 位於北角地鐵站附近的小巷中，裝修相當有格調，氣氛一流，而且座位又舒適，岩晒啲想搵間餐廳靜靜地傾下計嘅朋友，食食下仲見到唔少情侶嚟添。食物方面有好多選擇，我同朋友叫左1.自家製龍蝦片蟹味噌凱薩沙律、2.原板海膽黑松露蟹膏意大利飯、3.黑松露自家製美國牛肉漢堡配薯條。而飲品方面因為我同朋友都唔飲酒，所以就揀左fruit soda同lemon tea，但鍾意飲酒既朋友都有好多選擇，落完單等左一陣就上菜啦第一道上既菜式係自家製龍蝦片蟹味噌凱薩沙律。有一大盆沙律菜，上面仲有啲脆脆。而龍蝦片同蟹膏原來係分開上，蟹膏蟹味十足，但就咁食會偏咸，撈落沙律菜味道就會剛剛好！而脆片有淡淡龍蝦味，仲好脆，全部撈埋食，口感會相當豐富，同平時食開嘅沙律好唔同。第二道菜式就係原板海膽黑松露蟹膏意大利飯，我咁大人都未試過海膽配意大利飯，仲要係原板海膽咁上！先試個意大利，就咁食已經夠晒creamy，撈埋飯上面既黑松露已經好惹味。之後加埋蟹膏同海膽一齊食，味道出奇
呢間Soul 9+ 位於北角地鐵站附近的小巷中，裝修相當有格調，氣氛一流，而且座位又舒適，岩晒啲想搵間餐廳靜靜地傾下計嘅朋友，食食下仲見到唔少情侶嚟添。
食物方面有好多選擇，我同朋友叫左1.自家製龍蝦片蟹味噌凱薩沙律、2.原板海膽黑松露蟹膏意大利飯、3.黑松露自家製美國牛肉漢堡配薯條。而飲品方面因為我同朋友都唔飲酒，所以就揀左fruit soda同lemon tea，但鍾意飲酒既朋友都有好多選擇，落完單等左一陣就上菜啦
第一道上既菜式係自家製龍蝦片蟹味噌凱薩沙律。有一大盆沙律菜，上面仲有啲脆脆。而龍蝦片同蟹膏原來係分開上，蟹膏蟹味十足，但就咁食會偏咸，撈落沙律菜味道就會剛剛好！而脆片有淡淡龍蝦味，仲好脆，全部撈埋食，口感會相當豐富，同平時食開嘅沙律好唔同。
第二道菜式就係原板海膽黑松露蟹膏意大利飯，我咁大人都未試過海膽配意大利飯，仲要係原板海膽咁上！先試個意大利，就咁食已經夠晒creamy，撈埋飯上面既黑松露已經好惹味。之後加埋蟹膏同海膽一齊食，味道出奇地夾！海膽相當鮮味，同朋友完全食唔停口，老闆仲好細心咁同我地講可以用紫菜包住飯同海膽蟹膏一齊食，即刻覺得件事日式晒，味道又會有唔同。一個飯有咁多層次嘅味道，真係好正。
最後一道茶式就係黑松露自家製美國牛肉漢堡配薯條，個漢堡一上枱已經散發出濃濃嘅黑松露味，聞到都流晒口水，伴碟仲有混合左黑醋既沙律同粗薯條。 牛肉漢堡啖啖肉，超有牛味，而且黑松露味仲相當濃郁，麵包又好鬆軟。而薯條係粗薯條，食落好香脆，呢道菜同樣冇令人失落。
總括來講今餐我同朋友都好滿意，全程坐得得舒適，餐廳環境又好，食物又超好食，一定會再返嚟食！
Post
