Soul9+ (Closed)

之前試過北角書局街附近一間好隱蔽嘅西餐廳—Villa Villa，靜靜哋而且味道唔錯。今次就黎試下隔離嘅「Soul 9+」，餐廳名咁搞笑唔知味道如何呢！餐牌上唔少菜式食材配搭都好新穎！Fruit Soda奇異果味syrup加新鮮檸檬，幾清新！白酒煮活蜆香草同蒜片煮嘅蜆一啲沙都無，幾厚肉而且味道鮮甜。櫻桃木燻柑橘帶子呢道菜嘅賣相好別緻，影相一流。一上枱，食物比充滿白煙嘅玻璃罩蓋著，打開之後煙先會散去。帶子淡淡嘅煙熏味恰到好處，口感軟滑。伴碟嘅黑醋珍珠同埋柑橘幾醒胃。大蝦明太子白酒忌廉意粉由於今日無松葉蟹爪嘅關係，轉成三隻彈牙嘅蝦。鹹香嘅明太子和忌廉嘅比例剛好，唔會太濃。白松露海膽新鮮鮑魚白酒忌廉義大利飯「重口味」嘅朋友一定會中意呢個飯，有齊松露同埋海膽！松露嘅味道好強烈，同海膽分兩半撈飯就唔會搶彼此嘅風頭。一旁嘅鮑魚鮑魚係炸嘅，口感特別。