Seoulmate (京都廣場) (Closed)

小篇生活圈子大多數都係香港島，所以大多數同路人朋友都係香港區嘅朋友仔，所以銅鑼灣當然係約朋友嘅好地方。但係銅鑼灣，成日都係食連鎖餐廳，今晚就一於做好功課先！上網打幾隻字好快就搵到一間勁多人like嘅——Seoulmate Cafe 試下有幾正。 真心我下次去食真係要早幾日訂位，因為原來呢度上到去真係人頭湧湧，座無虛席，好彩我早咗去食飯，所以只係好彩，職員話咁啱有一張2人枱吉枱，唔洗白行一轉。店內裝修簡樸, 地方整潔, 除左有室內座位, 更設有室外。室內更有很可愛既呈雲狀既吊燈，十足韓國風格。 但我今日返而無試呢度嘅主打。我就試咗呢度嘅韓式炸雞同埋亦都非常出名嘅蕃茄芝士泡菜，因為留肚，所以我哋就冇叫呢度嘅炒飯，反而就叫左呢個另一個好出名嘅韓式班戟配煉奶花生醬。 炸雞處理手法啱啱好外脆內軟唔會話非常乾，我就揀咗柚子味，芝士味。所以食落去一啲都唔會好悶。創新得來味道都非常滿意！ 另外啦你得閒食餐廳一定要叫泡菜試吓，呢度嘅處理手法就非常之創新西化，幾啱我口味！泡菜同蕃茄湯一齊煮最後加上芝士，食法一啲都唔會好老土，又唔會太辣，所以非常唔錯。最後當然係甜品是但啦頭先都講過啦呢度嘅班戟，其實係非常出