Video
Read full review
2016-01-25
984 views
星期六, 本來唔使翻工, 但公司接了一單大生意, 全人類....無一幸免..開! O! T!, 還要連續開足三個星期, 上天對我...們真好...! 哈哈..., 放工後, 打算惠勞一下自己, 專登行遠些少, K11的款式唔太合意, 再走, 到達棉登徑, 第一間就是西班牙菜, 開業不久, 星期六有Brunch set, 專食Tapas... 從外街望入去, 見到全西人...係西洋人... 當堂信心大增......啦... 崇洋??? 係架...全店簡約裝修, 星期六的十二時零三分, 剛開門不久, 少人, 自己搵位, 坐得好舒服...未睇Menu, 先來一杯House Wine, white, Marqués de Cáceres, 上網再三查證, 不鎸鋼桶低溫 slow fermentation, 寫明無放任何oak, 因有些酒廠會放一些oak塊 在不鎸鋼釀酒桶內, 使酒身會帶出下些橡木味道.... 葡萄品種是Macabeo, 在Rioja稱為Viura, 這種西班牙北部產區的葡萄, 發芽較遲, 所以會避開春霜, 屬於農民甚愛種的品種, 還有, 據專家所講(但我有所保留...) 最重
星期六, 本來唔使翻工, 但公司接了一單大生意, 全人類....無一幸免..開! O! T!, 還要連續開足三個星期, 上天對我...們真好...! 哈哈..., 放工後, 打算惠勞一下自己, 專登行遠些少, K11的款式唔太合意, 再走, 到達棉登徑, 第一間就是西班牙菜, 開業不久, 星期六有Brunch set, 專食Tapas... 從外街望入去, 見到全西人...係西洋人... 當堂信心大增......啦... 崇洋??? 係架...
全店簡約裝修, 星期六的十二時零三分, 剛開門不久, 少人, 自己搵位, 坐得好舒服...
未睇Menu, 先來一杯House Wine, white, Marqués de Cáceres, 上網再三查證, 不鎸鋼桶低溫 slow fermentation, 寫明無放任何oak, 因有些酒廠會放一些oak塊 在不鎸鋼釀酒桶內, 使酒身會帶出下些橡木味道.... 葡萄品種是Macabeo, 在Rioja稱為Viura, 這種西班牙北部產區的葡萄, 發芽較遲, 所以會避開春霜, 屬於農民甚愛種的品種, 還有, 據專家所講(但我有所保留...) 最重要的是, Macabeo 可經受較長時間的氧化陳年, 所做的白酒特別清新爽口...., 有無咁神奇呀!?! 最後...也要來一句專家口吻: good balance, cleansing acididty, great length...! 哈
Ham and Cheese Truffle Sandwich, 火腿芝士三文治...都算係tapas??? 係!! 就係因為多了"Truffle", 松露... 今時今日, 只要係菜餚中加入"松露"兩個字, 都可以賣出高價一點吧... 哈哈..
Stuffed Baby Squids, 店員放上檯時, 再三說, 這是Squids, 不是Octopus... 不知是因為餐牌問題, 還是因為其他原因... 但據觀察, 這是Small Octopus 多過似Squids 喎..., 再經專家確認, Squid has a trianglar head, 而Octopus has a round head..., round head 喎....
無論如何, 是甚或也好, 最緊要好味, 切開其round head, 原來釀了些芝士豬肉, 芝士濃兼厚身, 肉質香, 味道一流.
Broken Egg with Chorizo, 脆皮雀巢上放了一隻煎蛋和西班牙辣肉腸, Chorizo 其實只是西班牙香腸的代名詞, 可以有不同的種類, 只要是用paprika紅椒粉做成的香腸, 就可稱為Chorizo, 有風乾的, 也有燻製的, 因為煎過後, 我吃不出眼前這四片是 風乾還是燻製, 但廚師把Chorizo 炒至面層焦糖化, 帶些少甜味中和了油膩感, 味道更好.
Stuffed Sardines, 又是另一款釀製食物, 不過今次用的是"沙甸魚". 鹹香脆口的沙甸魚卷, 內裡釀了一些瓜菜類的食物, 神來之筆, 味道與眾不同, 沙甸魚較細條及薄身，以高溫短時間煎香, 能保持原汁原味, 魚味香濃, 焦脆外皮, 入口微微鬆化.
Cod Brandade in Piquillo Peppers, 把鱈魚打成忌廉狀態, 加入薯蓉, 奶香重, 口感滑, 釀入掏空的Piquillo紅甜椒內, 賣相有點似條舌頭, 好恐怖... halloween的絕佳菜色....哈哈...
scrambled Eggs wiht Salted Cod, 醃製過的鱈魚炒蛋, 入口鹹香, 炒蛋流心半熟, 惹味開胃.
Seafood Paella, , 以海鮮湯烹煮的小型西班牙海鮮飯, 有魷魚、大蝦, 魚肉, 蜆, 青口, 再用洋葱、蒜頭、番茄, 還有一點兒...好像是番紅花的幼身材料, 有無咁高檔呀!?!? 我唔信囉....哈哈..!!!
Chicken and Cheese Croquettes, 西班牙薯仔球: Croquettes, 口味眾多, 傳統的多是用火腿芝士, Barcelona則多用鱈魚來做, 而用雞肉.... 好似...好美國style喎... 我是左膠式"國際大愛"食家, 甚麼style, 當然無所謂, 最緊要好食...., Croquettes 炸成黃金色, 咬下去, 雞肉質感軟滑之餘, 油膩感低, 加了些濃郁芝士, creamy又惹味.
Post
