小草十八怪石鍋米線 (Closed)

今晚突然想食熱辣辣既石鍋米線，之後上網見到有一間叫小草十八怪石鍋米線，見到幾得意可以自己落手煮石鍋米線，決定去試下。環境舒適乾淨，裝修比較清新明亮，一位職員態度良好，提供到貼心服務，有指導我如何烹煮石鍋米線，但另一位有啲粗心大意，我未煮好，店員冇問就已經收走左個蓋，可能太忙既關係。餐廳提供三款石鍋米線選擇，分別係三餸($48)丶六餸($68)及九餸($88)，今次揀左六餸，火腿瑤柱肉骨湯，我叫左墨魚頭丶花膠丶雞肉丶冬菇丶十八怪照通炸醬及鯛魚，其中墨魚頭+$2，花膠+$2及鯛魚+$3，總共$75。石鍋米線石鍋別緻亦印有店舖LOGO，比較台式既感覺，米線爽滑丶彈牙; 火腿瑤柱肉骨湯，味道可以，不過偏咸; 唔知系咪自己煮得耐左，墨魚頭同鯛魚有啲韌; 花膠好大塊，無魚腥味，又滑; 雞肉份量多，嫩滑; 冬菇大小一般，比較硬; 十八怪照通炸醬，味道香郁，值得試一試。 總括黎講，我會再去，覺得環境舒適，食物都唔錯。值得讚👍🏻既地方：1. 裝修2. 菜式有睇頭3. 小食、菜式、湯底款式多改善地方:1. 食材生熟程度需改善2. 湯底濃度需調校3. 需增加人手