Lemon Tree (Closed)

星期六放半日，老公接我收工去街，見到公司附近有間新開舖頭叫LemonTree果汁店放d生果好靓，唔似一般果汁店用d爛生果，地方好乾淨! 路過原來做緊試食芝士雞波，食咗粒味道好好，唔使加醬都夠味，即係買份返去比囡囡食，承惠18元有十幾粒，食到有d口喝，店員介紹左兩杯獨家飲品比我哋，個名非常funny叫蕉氣勃勃Fruity，另一杯係佢哋舖頭名Lemon Tree，不過店員話這杯Lemon Tree係用新奇士檸檬做，所以係偏酸，唔飲得酸就唔係太適合，我老公唔飲得酸，於是我哋share試左杯有蕉味嘅蕉氣勃勃，果味濃厚真名不虚傳好fruity 大杯裝都係承惠18元，好過飲佢哋隔離有化學成份嘅珍珠奶茶，店員服務態度都好禮貌，可惜位置比地鐵站遮住左，唔係專登行係真的睇唔到間舖頭，星期一返工要再去試吓其他小食和杯Lemon Tree