Video
Read full review
2017-12-29
586 views
跑馬地從來唔係經常去既地方，今次呢間餐廳之所以會試並唔係行過見到想食，而係做哂功課特登去試。呢間意大利餐廳開業時間不長，但因一位朋友介紹而認識。後發現佢地得到既風評一直相當不錯。適憑返工剛剛完成左PEAK SEASON想慶祝一下，就同女朋友專登Book左呢間餐廳試。餐廳第一impressed我既地方反而係佢既裝修同心思。得經理介紹後所知，大廚要求整間餐廳既坐位都可以比佢見到，用意唔單只係想食客見到廚師煮野食同開揚，而係想佢可以望到自己既每一位客人。好驚訝並好欣賞呢一點。當晚需要係星期二，但入夜後客人一台接一台入座，全間餐廳好快就full左。但留意到上菜速度同服務並無因此而受影響。每一度菜之間時間得宜，加上餐廳氛圍，成晚感覺有私隱度之餘亦不失氣氛。亦感受到待應們既細心。全晚菜或決定交比餐廳決定。前菜有Burrata Cheese with trio of Tomatoes, baby Lettuce, Anchovies and Capuliatu同Beef Carpaccio with Arugula and Parmigiano, light Mustard saurce，材料新鮮不
餐廳第一impressed我既地方反而係佢既裝修同心思。得經理介紹後所知，大廚要求整間餐廳既坐位都可以比佢見到，用意唔單只係想食客見到廚師煮野食同開揚，而係想佢可以望到自己既每一位客人。好驚訝並好欣賞呢一點。
當晚需要係星期二，但入夜後客人一台接一台入座，全間餐廳好快就full左。但留意到上菜速度同服務並無因此而受影響。每一度菜之間時間得宜，加上餐廳氛圍，成晚感覺有私隱度之餘亦不失氣氛。亦感受到待應們既細心。
全晚菜或決定交比餐廳決定。前菜有Burrata Cheese with trio of Tomatoes, baby Lettuce, Anchovies and Capuliatu同Beef Carpaccio with Arugula and Parmigiano, light Mustard saurce，材料新鮮不在話下，特別欣賞牛肉，菜同sauce既配合，每種味道唔會搶過其他，而每種食材既特質亦因配襯下更加特出。一段對Appetizer都唔會有特別既期待，但呢一度實在令我幾驚喜。
Main Course有Sea Urchin Risotto, Busiate Bottarga同Baby Lamb Chop。Risotto飯粒軟硬適中，有咬口，上台賣相同顏色非常吸引。海膽鮮味之餘汁亦調得非常有平衝，食完成盤都唔會膩。Busiate Bottarga係一道我自己出面未食過既意粉，意粉咬口偏硬身，形狀似電話線。形狀令配上既龍蝦既鮮香濃郁纏住每一條意粉，非常特出既一道意大利麵食。Baby Lamb Chop無得輸。羊味，肉應有既生熟度，肉汁同醬汁一貫無任何不足既地方。
雖然唔好甜食，但晚餐需要甜品作結。而呢兩道甜品都各自擁有佢既獨特性。Cannoli with cream of Ricotta chesse, pistachio & candied fruit係一道意大利地方甜品。外皮脆口內裹幻滑，配上雪芭集香脆，嫩，冰甜，濃香，女朋友非常喜歡 (事實上回家途中佢足足講左成晚)。而我自己就好欣賞呢度Tiramisu。比一般食到既唔同，佢會配上一杯仔碎冰。原來係Coffee ice。配上Tiramisu食咖啡既苦味同香濃完全配合到Tiramisu既甜味，因為自己本身唔好Tiramisu，但咁樣既食法實在係非常鍾意。
最後一提，呢間餐廳既Wine List非常出色。絕對係同身邊既人分享Special Moment既一間好好既餐廳。
Post
