牛之館 (Closed)

今日同老友食放題火鍋@牛之館，喺地點就腳又便利嘅朗豪坊附近。入座時見環境乾淨衛生，坐位舒適。湯底共有8 款，我哋點咗潤喉滋補嘅椰子泉水雞。套餐有多款高質靚牛，其中至愛SRF和牛肩胛肉眼芯；紋理均勻有小小油花，超柔軟入口即化。另有手切封門柳、澳洲草飼牛頸背、安格斯牛板腱、安格斯牛小排同安格斯一口牛等。全部都好新鮮同有質素。咬落油脂香有肉汁，牛味重好好味😋。海鮮亦有頗多選擇：魚腩美味、花甲鮮甜冇沙、大大隻鮮蝦爽口。自助區除了有調味料，還有熟食、炸物任取。亦有多款丸類同蔬菜、烏冬、出前一丁及日本薯粉等。飲品有汽水、果汁同樽裝花茶。甜品有西米露糖水、雙色雪糕、豆腐花等等。非常之多元化。今晚大滿足😋好飽又好食。