Video
Read full review
2021-07-07
1241 views
Staycation package包埋意大利餐廳嘅三道菜晚餐，訂房時已經揀好用餐時段同菜式。頭盤同主菜都有兩款揀，所以我哋揀咗每款各一，咁就可以試多啲款式。一坐低侍應就奉上麵包籃，麵包一共有五款，五款都好味。其中我最鍾意蕃茄乾麵包同圓形嗰款包，蘸醋同橄欖油食不知不覺已經食晒。Welcome drink係Moët & Chandon香檳蟹肉凱撒沙律配意式香草麵包，沙律菜新鮮爽脆，蟹肉好味而且份量唔算少。龍蝦海鮮忌廉湯一上枱已經聞到超級香，未飲都知好味。雖然外表普通，但飲落好濃龍蝦味，口感滑得嚟唔會過份稠，有驚喜食完頭盤等咗一陣先上主菜，Moët & Chandon香檳鮮蝦芝麻菜意大利飯配焗大蝦，大蝦肉質爽口彈牙而且幾大隻。意大利飯食落好香芝士味，飯粒軟硬度適中有少少咬口另一個主菜係烤焗澳洲羊架配番紅花薯蓉、菠菜及Moët & Chandon香檳汁。medium rare嘅羊架呈深粉紅色，睇得出仲有肉汁，賣相好靚。羊架肉質柔軟鮮嫩，食落少少膻味，表面層脂肪烤到好香。伴碟嘅薯蓉都好出色，香濃牛油味而且細滑，如果份量多少少就更好。甜品係熱情果芝士撻，有忌廉同朱古力片伴碟，擺盤好靚。食落熱情果
麵包籃
28 views
0 likes
0 comments
一坐低侍應就奉上麵包籃，麵包一共有五款，五款都好味。其中我最鍾意蕃茄乾麵包同圓形嗰款包，蘸醋同橄欖油食不知不覺已經食晒。
Welcome drink係Moët & Chandon香檳
蟹肉凱撒沙律配意式香草麵包
16 views
0 likes
0 comments
龍蝦海鮮忌廉湯
12 views
0 likes
0 comments
Moët & Chandon香檳鮮蝦芝麻菜意大利飯配焗大蝦
10 views
0 likes
0 comments
烤焗澳洲羊架配番紅花薯蓉、菠菜及Moët & Chandon香檳汁
13 views
0 likes
0 comments
熱情果芝士撻
11 views
0 likes
0 comments
甜品係熱情果芝士撻，有忌廉同朱古力片伴碟，擺盤好靚。食落熱情果味突出，酸酸甜甜，芝士軟滑唔會太甜，配搭偏酸嘅熱情果所以感覺唔會太膩。撻表面係熱情果醬，見到熱情果籽，仲有果仁碎同紅桑子果乾碎，令口感更加豐富。
整體嚟講食物質素高，只係份量有啲少。但見到呢度set dinner都要$788/位，呢個staycation package包埋三道菜晚餐其實真係好抵下次想嚟試下semi-buffet lunch
Post
