Video
Read full review
2021-07-06
1457 views
疫情期間個個都去staycation ，我都唔執輸揀左呢間酒店既package,$1760包住宿一晚同自助晚餐加自助早餐今晚係法國生蠔，每次排隊可以攞三隻，開好嘅廚師勁快手，另一個就負責掃蠔殼，去開頭嘅時候有人排隊，後來就已經唔使排隊都拎到，山河嘅大細屬於中間，唔大唔細幾好，肉質爽味道鮮甜，又唔會話好重海水味👍🏻👍🏻👍🏻超推薦餐廳都提供好多款刺身，呢一碟就係除咗三文魚之外全部都要，帶子大粒鮮甜，甜蝦都OK呢啲係餐廳提供嘅凍海鮮，麵包蟹多膏，凍蝦點左泰式辣醬勁惹味，翡翠螺好乾淨洗得，冇滑潺潺，抵讚❤️👍🏻👍🏻鐵板燒波士頓龍蝦，龍蝦蝦肉都算彈牙可以接受吞拿魚壽司上面嘅吞拿魚冇筋，算唔錯既，但如果可以再肥美啲就好，令一舊白色嘅壽司，個刺身勁爽口😋7:30會出一次嘅燒乳豬，好可惜係凍嘅，果皮的確係脆，如果可以俾返啲溫度會好好多每個成人有兩隻，上面嘅芝士都真係幾膩，帶子還好，但係唔食都唔會好大損失餐廳有一個麵檔係即煮嘅粉面，但係我淨係要咗生菜豬肉丸魚蛋同埋豆腐卜，配嘅係冬陰功湯底，個湯底幾惹味，個人好鍾意❤️意外地好飲嘅燉冬瓜海鮮湯，重點係超夠熱👍🏻👍🏻👍🏻👍🏻👍🏻任你食既Haagen Dazs 雪
今晚係法國生蠔，每次排隊可以攞三隻，開好嘅廚師勁快手，另一個就負責掃蠔殼，去開頭嘅時候有人排隊，後來就已經唔使排隊都拎到，山河嘅大細屬於中間，唔大唔細幾好，肉質爽味道鮮甜，又唔會話好重海水味👍🏻👍🏻👍🏻超推薦
餐廳都提供好多款刺身，呢一碟就係除咗三文魚之外全部都要，帶子大粒鮮甜，甜蝦都OK
呢啲係餐廳提供嘅凍海鮮，麵包蟹多膏，凍蝦點左泰式辣醬勁惹味，翡翠螺好乾淨洗得，冇滑潺潺，抵讚❤️👍🏻👍🏻
鐵板燒波士頓龍蝦，龍蝦蝦肉都算彈牙可以接受
吞拿魚壽司上面嘅吞拿魚冇筋，算唔錯既，但如果可以再肥美啲就好，令一舊白色嘅壽司，個刺身勁爽口😋
7:30會出一次嘅燒乳豬，好可惜係凍嘅，果皮的確係脆，如果可以俾返啲溫度會好好多
每個成人有兩隻，上面嘅芝士都真係幾膩，帶子還好，但係唔食都唔會好大損失
餐廳有一個麵檔係即煮嘅粉面，但係我淨係要咗生菜豬肉丸魚蛋同埋豆腐卜，配嘅係冬陰功湯底，個湯底幾惹味，個人好鍾意❤️
意外地好飲嘅燉冬瓜海鮮湯，重點係超夠熱👍🏻👍🏻👍🏻👍🏻👍🏻
任你食既Haagen Dazs 雪糕，夏威夷果仁味真係不得了，欲罷不能，勁飽既狀態下都食左兩杯🙈🤣
自助早餐就覺得冇咩好食，重點係你想搵啲熱啲嘅嘢食下都幾難，自助早餐嘅可取之處係雞蛋有六款俾你揀，有煎蛋炒蛋水波蛋奄列等等，果汁方面有西柚汁橙汁蘋果汁都好好飲，其他就真係冇咩可取之處
Post
