Cafe Causette

Open Now

Now Closed

之前買左個Staycation package $3,050本身包自助晚餐，但因為無堂食，所以改做係房內食三道菜，7:45pm左右送到黎，飽到食唔晒啲薯條。餐包左邊好硬，右邊鬆軟好食。前菜大蝦雞尾酒沙律配以瑪麗玫瑰醬丶生菜苗，大蝦幾鮮甜。凱撒沙律加蘇格蘭煙三文魚有鯷魚、芝士、意大利煙肉、麵包塊，煙三文魚非常肥美，油脂好豐富。生菜好脆，但唔夠甜。主菜全隻法式焗龍蝦焗龍蝦上有雜菌丶巴馬臣芝士丶洋蔥，配以一碟薯條，龍蝦加上上面既配料變得更好食。烤美國牛柳(220克)配賓尼士汁，配菜係烤時令雜菜丶芝士松露薯條。牛柳有牛味，唔錯。甜品特濃朱古力蛋糕配威士忌雪糕類似opera，但比較結實，威士忌雪糕好濃威士忌味，可惜食時都溶得七七八八。暖蘋果撻配雲尼拿雪糕幾脆口，正常水準，雲尼拿雪糕亦係溶左，但都食得出係好味既。因為生日送左個Chocolate Duo with Crunchy Sable and Hazelnut Praline Cake，係金莎味道，好味。