半島酒店大堂茶座

Open Now

Now Closed

因為staycation嘅關係，可以喺酒店大堂茶座享用精選午餐，係一個三道菜嘅午餐。點餐後會先送上麵包同牛油。麵包籃有三款麵包，全部都係屬於比較硬身啲嘅麵包，如果細食少少個食完麵包基本上已經飽左。餐牌上面有三款前菜選擇，要龍蝦湯就要另外加98蚊，由於朋友唔太鍾意食沙律，所以我哋都加咗個龍蝦湯。味道都幾出色，入邊都有少少龍蝦肉。大蝦配咯嗲汁可以當係一個蝦沙律，個汁嘅味道其實好似千島醬，味道帶微酸，都食得出蝦嘅鮮味嘅。少少前菜開咗胃之後，就係最期待嘅主菜。同前菜一樣可以係餐牌上三選一，其中一個係意大利雲吞應該係素食，我哋就揀咗另外嗰兩款鱸魚柳同埋羊架加羊肉餅。🐐魚皮香脆，羽衣甘藍都係成為脆片嘅狀態。馬鈴薯就比較硬咗少少。個底嗰度有蕃茄造成嘅醬汁，同魚嘅味道都幾配合。雖然質素上係好高分，但肉眼可見份量極少。同樣地 羊架都係質素上乘，嫩口多汁又唔騷。羊肉餅可能脂肪比較多，羊味同肉汁都好出。但係份量非常少，一個正常男人係冇可能食得飽。最後係兩個甜品，賣相精緻。由於我冇食到泡芙，所以不作評論。紅莓撻酸酸甜甜，幾適合作為一個餐後嘅甜點。飲品都係唔馬虎嘅，普通一杯cappucino都整到靚靚，仲有少見