Video
Read full review
2022-11-18
2160 views
又到妹妹生日喇，問佢想食乜嘢，答案又係牛扒。呢個真係個牛扒妹，年年生日都食同一樣嘢。响OpenRice搵咗一輪，睇到Frites喺週末有all you can eat steak night, 咁就唔使諗咁多，就訂尼度啦！星期日晚飯梗係人多，我哋去到大約7:30，室內餐枱已經爆曬。除咗牛扒，我哋仲嗌咗個一公斤嘅Frites House Mussels來分享。牛扒先上，要咗medium rare，但係似medium 多啲，其實早已經預咗係咁，所以至嗌medium rare🤭。跟牛扒一齊上嘅仲有大量薯條，但係我哋專門嚟食牛扒嘅，梗係唔會俾啲薯條撐飽個肚。至於啲牛扒雖然話係black angus，但係我唔覺得佢好肉味，甚至乎可以講係甚為普通。不過，始終唔係扒房，唔可以咁講究，在 all you can eat嘅情況之下，食多兩塊覺得回本就得喇。Mussels pot 亦有薯條做伴菜，另有兩塊garlic bread 同 mayonnaise 。啲mussels並冇我好期待中咁好食，我嫌佢唔夠creamy，如果佢落多啲忌廉應該會好食好多。啲mussels本身都算肥美，亦都洗得乾淨，唔覺有沙。唔
星期日晚飯梗係人多，我哋去到大約7:30，室內餐枱已經爆曬。除咗牛扒，我哋仲嗌咗個一公斤嘅Frites House Mussels來分享。
牛扒先上，要咗medium rare，但係似medium 多啲，其實早已經預咗係咁，所以至嗌medium rare🤭。跟牛扒一齊上嘅仲有大量薯條，但係我哋專門嚟食牛扒嘅，梗係唔會俾啲薯條撐飽個肚。至於啲牛扒雖然話係black angus，但係我唔覺得佢好肉味，甚至乎可以講係甚為普通。不過，始終唔係扒房，唔可以咁講究，在 all you can eat嘅情況之下，食多兩塊覺得回本就得喇。
USDA Black Angus Steak
59 views
4 likes
0 comments
Mussels pot 亦有薯條做伴菜，另有兩塊garlic bread 同 mayonnaise 。啲mussels並冇我好期待中咁好食，我嫌佢唔夠creamy，如果佢落多啲忌廉應該會好食好多。啲mussels本身都算肥美，亦都洗得乾淨，唔覺有沙。
FRITES House Mussels
602 views
1 likes
0 comments
唔知道係唔係因為係 Belgium Restaurant，所以請的侍應絕大部份都係英文人，連埋廚房的員工都係外籍工人居多。可能係食客太多，俾我嘅感覺好似唔夠人手做嘢，搵個人嚟都要費一番功夫。
五個人食左16塊扒，起碼壽星女覺得滿意，咁就值回票價啦！
Post
