Subway (Closed)

久唔久會食Subway，佢哋有啲廿幾蚊餐就有六吋包同罐裝嘢飲，平得嚟又幾多蔬菜。我揀咗火腿套餐，麵包就係意式香草芝士包，蔬菜就揀咗蕃茄、墨西哥辣椒、生菜同酸瓜，佢哋仲有紅洋蔥、青瓜、黑橄欖同青椒，可以要求加晒，但又係好似太多款個味會好雜，所以我通常只係會揀幾款，而個醬我就要咗紅酒醋。好鍾意一啖菜一啖肉嘅感覺，唔寡又好似比較健康。紅酒醋酸酸哋，令個包食落冇咁漏，不過因為佢太流質，食嗰陣會滴汁，都食得幾麻煩，下次都係要啲比較稠身嘅醬汁會好少少。