Sueno (Closed)

放工梗係要同朋友出去食飯放鬆下啦，今次揀咗間西班牙餐廳。依間餐廳係open kitchen。前菜叫咗個西班牙蛋餅同八爪魚。個蛋餅好特別，加咗西班牙腸同蔥花，焗到好香，但又唔會太乾。至於個八爪魚十級推介，配埋墨汁，勁夾。爽口彈牙，又有鮮味，仲要大大隻，唔怕唔夠食。配菜仲有烤薯仔同辣椒仔，但啲辣椒仔一啲都唔辣。主食就叫咗秘魯汁烤雞同辣蒜帶子意大利麵。個烤雞加咗香草，咸咸香香，十分嫩滑，仲配咗薯條同沙律菜，至於個意粉勁重牛油味，勁香。啲帶子大大粒，又唔會韌，十分鮮甜。啲蒜頭吸咗牛油味，又淋淋地，連平時好憎食蒜頭既我都覺得好好食。