甜心良品 (Closed)

之前見到食評d相好似好好味,加上d人講到心太軟咁正,就決定去食buffet...1.心心相印（士多啤梨+鮮奶）好味2.蘋步青雲（青蘋果+綠茶）,友人話ok3.凍法式燉蛋,食果陣凍既...後尾先知我地睇漏左個「凍」字,但都接受到4.鮮果雪糕拿破崙,賣相吸引,但個人覺得一般5.檸檬梳乎厘,好香檸檬味,唔錯6.暖心mama(朱古力心太軟),呢個好好味,d朱古力流哂出黎,切果陣仲有煙出,.....最怕d朱古力 又甜又「溜」,幸好唔係好甜同好「溜」姐7.火焰雪山,入面果d就幾好食,但出面果層就...好似泡...8.木糠布甸,友人覺得酸,但我覺得幾好味9.吞拿魚班戟,吞拿魚好多,但就腥左d...10薯角,淋左d,但都ok11.蒜蓉多士繼朱古力心太軟後,呢個係最好味12.藍莓芝士蛋糕,個人唔係咁鐘意食芝士蛋糕,所以覺得一般值得一讚既係服務態度良好雖然唔係食左好多野,但覺得好飽...應該會黎第二次,但絕對唔會再食buffet下次會食返朱古力心太軟