Beanswork (Closed)

襯今日星期日去食個西式既brunch，搭電車出到銅鑼灣時經過見到怡和街有間落地玻璃、工業式設計既餐廳，門口有餐廳，於是望下有咩食就入左去。本身以為有set lunch, 但原來星期日係無既，所以就同女朋友散嗌。佢地選擇唔多但款款都吸引。意粉+$35可跟餐有湯同野飲餐湯今日係粟米湯，有驚喜因為佢並唔係罐頭湯既貨色，而係用啖啖都係打蓉左既粟米加上蛋花，creamy又香滑。卡邦尼意大利麵 $108 每條意粉都可以沾上醬汁，醬汁好夠而且唔會覺得膩，味道好香濃，意粉又軟硬適中，加上置頂放左一隻蛋，意粉再拌勻蛋醬口感更香滑，唔錯。飲品點左Pink lemon glass，但呢款特別既飲品就要再加$10。茶好香lemon glass味，職員仲有幫忙加水添。煙燻挪威三文魚意式香草三文治 $68意式三文治焗得好香脆而內裡鬆軟，中間夾有凍蕃茄、青瓜、生菜同煙燻挪威三文魚，麵包中既香草好提味，厚厚的一件三文治，好飽肚。三文治無得跟餐，所以單點左一杯Pink French Rose $40，食完嘆杯西茶真係chill。