CEO Neway (Closed)

唱K lunch, 係最化算。我地由10半唱到3點鐘，每人都係計返個餐既價錢。平均$100可以找數。太耐無來，見到三文魚扒套餐，$125再加一。試試佢，有湯，前菜，主菜，甜品，再跟飲品。三文魚套餐，前菜和主菜都係三文魚。甜品係細細杯的芒果布甸，有真芒果的。湯就可以唔飲，茶記的白湯。前菜係幾條幼幼露筍配兩大片煙三文魚，不過不失。呢個主菜，我揀左配飯，可以配意粉的。 三文魚扒要讚！我無點過個汁，完全唔覺有雪味！外皮香脆不會油我食飯配三文魚，三文魚份量好大，有一隻手掌😬好滿足！