La Station (Closed)

2017年要將我既大肚腩踢走, 改一改飲食習慣, 早餐豐富啲, Lunch輕盈啲. 不過唔係講咁易, 好在灣仔區多cafe, 隨時可搵件正三文治食.  不過大部份都貴過你碟飯, 唔飽就更啦.   但La Station雖則under PAUL LAFAYET,  價錢倒是平靚正.  簡單小店主要售賣三文治, pie, 甜品, 咖啡.    店子樓底高, 只有幾張高餐枱, 自然光陪同進餐好寫意.   三文治即叫即做, 左邊是Curry Chicken, 右邊是Avocado Chicken.  兩款包都係百吉包, 外軟內軟.  餡料豐富, 最欣賞每款都用上大量super food羽衣甘藍, 而非一般既沙律菜, 牛油菓頗多, 絕不吝惜,  最吸引係售價$48, 健康首選.   有咁正既三文治, 點少得正咖啡Cappuccino $38, 店內自家烘焙, 順口帶點回甘味, 奶泡香滑.  用entertainer coupon buy 1 get 1 free.