帝樂 - 德國餐廳 (美利樓) (Closed)

十分之難得喺平日和三個朋友一齊放假，所以我哋入咗去赤柱飲嘢，當時係happy hour，所有飲品都係買一送一，每杯飲品為返大概$30至$40左右，朋友形容仲平過Starbucks。最正就係望住個無敵大海景，餐廳亦都冇其他客人，我哋可以瘋狂影相，同埋感覺上自己在包場。其實有時可以搵個地方，坐低同朋友傾吓計，望住大自然療癒的感覺，已經十分之寫意。最開心就係平日一齊放假，完全唔使同其他人迫，又唔使排隊。而家諗起都覺得好放假㗎。