Video
Read full review
2015-10-19
2059 views
Search 過openrice, 將boardgame 同 cocktail 放埋一齊，香港應該得佢地一間。同埋我地成班人咁難得先約齊，更係想坐耐d，無咩邊間可以唔限時，佢地weekend min charge 一人一個餐就可以任坐到收鋪(12am)，加上個Surprise (Free) Rainbow shot 無得輸，所以再次去幫親。好明顯佢地唔係主打野食，pasta 得5款, 叫咗個卡邦尼餐（$88包野飲），相貌平平，無花巧裝飾，但味道比預期中好, 汁同份量都啱啱好。野飲反而好多選擇， 新加咗梳打茶，朋友試咗杯蜜桃味，有氣嘅蜜桃紅茶咁，有氣水嘅感覺但又唔會太甜，值得一試。我地有幾個就另外加咗$16轉cocktail， 個menu除咗Long Island , Sex on the beach之外, 其他都未見過，我地膽粗粗試咗幾杯有"LIKE"嘅，好彩嗰幾杯一d都唔伏， 飲落酒味都唔會太重，特別推介里3杯Cocktail：Alligator ,有d似蜜瓜糖味嘅酒; Nothing，蜜瓜菠蘿椰子味，好清新； Kiss Me, 似strawberry味益力多。到上蛋糕環節，當大家f
Search 過openrice, 將boardgame 同 cocktail 放埋一齊，香港應該得佢地一間。
同埋我地成班人咁難得先約齊，更係想坐耐d，無咩邊間可以唔限時，佢地weekend min charge 一人一個餐就可以任坐到收鋪(12am)，加上個Surprise (Free) Rainbow shot 無得輸，所以再次去幫親。
好明顯佢地唔係主打野食，pasta 得5款, 叫咗個卡邦尼餐（$88包野飲），相貌平平，無花巧裝飾，但味道比預期中好, 汁同份量都啱啱好。
野飲反而好多選擇， 新加咗梳打茶，朋友試咗杯蜜桃味，有氣嘅蜜桃紅茶咁，有氣水嘅感覺但又唔會太甜，值得一試。
我地有幾個就另外加咗$16轉cocktail， 個menu除咗Long Island , Sex on the beach之外, 其他都未見過，我地膽粗粗試咗幾杯有"LIKE"嘅，好彩嗰幾杯一d都唔伏， 飲落酒味都唔會太重，特別推介里3杯Cocktail：Alligator ,有d似蜜瓜糖味嘅酒; Nothing，蜜瓜菠蘿椰子味，好清新； Kiss Me, 似strawberry味益力多。
到上蛋糕環節，當大家focus喺個蛋糕嘅時候， d staff開始放d shot glass 出黎， 接主就黎表演拉Rainbow Shot， 大家都超Surprise，最開心當然係送嘅，一人一杯，永不落空。D staff 超 nice,見我地咁開心，再即興私人醒咗杯halloween special shot "Brain Hemmorage" , 送俾壽星，我地另加咗幾杯（$38 each) 個樣夠恐怖,好似浮緊嘅腦咁，襯晒halloween，個腦原來喺將baileys固體化整成，口感有d怪但好特別。
另外佢地有一大個櫃boardgames, 好多普通cafe無嘅，特別推介玩「傳情達意」，佢地有兩副，夠16人玩，笑到肚痛嘅遊戲。（ps. 小心笑得太大聲，俾隔離檯怒視）
Post
