Sweet Monster (Closed)

食過幾間不同分店，感覺呢間衛生環境較好，而且係朗豪坊商場內，亦方便同朋友邊行街邊食。今次揀左「焦糖爆谷雪糕」同「原味奶昔」，首先雪糕加爆谷真係好夾，一試難忘！本身奶味已經夠香甜，再加埋雪糕，食落去有種啖啖透心涼既感覺🍦。而奶昔會更加突出奶味香濃同埋香滑的感覺，對於鮮奶控奶昔係必試之選。建議可以試埋「芝士焦糖爆谷」或者期間限定產品，因為芝士同焦糖真係絕配同埋每次限定味道都好特別，我都買左一盒返屋企邊睇戲邊食，盒子細細但份量都幾多，一盒足夠睇一場戲。