發記甜品 (Closed)

繼續以甜品慰藉自己，今次主角是以前好怕，現在卻越來越接受的榴槤系列。　上完yoga堂，打電話來留了榴槤班戟($23)、榴槤布甸($20)，及芒果布甸($16)各一，帶回家與家人分享。　榴槤系列-雖今次沒試班戟，據上次印象，發記所用榴槤貨色比滿記略有不及，但勝是大份抵食。其實今次主要想試布甸，可回家後遍尋不獲；要怪收貨時沒有仔細檢查，原來店方錯放榴槤飄香...反正未試過，都照殺，更平了$5。榴槤飄香實為楊枝甘露+榴槤，其實兩者都美味；不過不同班戟或布甸「有野包」，一打開這碗糖水即聞濃烈榴槤味，飄「香」效果強勁。若有不好榴槤同行者，建議大家體諒一下改點其他。　芒果布甸-是點給不吃榴槤的細妹。發記芒果從來極甜，製作的布甸也因而香甜，唯是次質感過稔，相信與車程遠有關。　嗯，決定了下次繼續是要點榴槤布甸，完成榴槤朝拜!