La Crêperie (蘇杭街) (Closed)

遇上毛毛雨, 嚟到上環搵餐廳, 好彩距離上環地鐵站近, 行一陣就到 7點嚟到雖然街上人流唔多又落住雨, 但餐廳已經坐滿咗三分之一! No. 32 La Bigoudene $88 （4/5)有瑞士芝士emmental cheese即係老鼠仔鍾意食個種呢〜芝士切開嘅時候會有好多氣孔, 係卡通片裏面放係老鼠夾引老鼠出嚟, 切薄片味道已經好濃 餡料有火腿, 太陽蛋, 另外選擇蘑菇, 蕃茄, 洋蔥, 菠菜其中一款, 我哋就揀咗蕃茄, 大大片都好新鮮, 咬落水份充足好似番茄醬咁哈哈, 呢個唔會比到你覺得乾爭爭!No. 65 Le Defi $68 (5/5)今次食第二次依然超鍾意<3Crepe煎得好脆, 雪糕放係中間以焦糖香蕉圍住, 配上大量焦糖醬 甜度唔會太漏, 絕對會令你試過返尋味! 朋友一路食一路讚, 哈哈推介此餐廳 4/5窮遊法國期間遇到一部份嘅服務員態度都好差, 尤其名店, 令到旅程算係有啲唔完美, 今次呢間老板同樣係法國人, 當我賣弄咗幾句問候嘅法文, 老闆真係好熱情招待, 又會用返啲簡單法文同我地傾幾句, 特別係主動幫我地影相, 佢亦不時同客人傾計, 問吓食物好唔好咁樣,