想甜嚐甜 (Closed)

宵夜最啱就係食返個滋潤糖水，上網SEACH下見到LEE間細細地，但好WARM既小店，真係有種被吸入去嘅感覺，既然係咁點可以唔去試下呢～講真台灣嘅糖水一向無得輸，尤其係佢既芋圓，煙煙韌韌口感一流，所以專賣台式糖水嘅舖仔，芋圓煮得好食真係好緊要。今晚試咗佢兩個推介糖水，兩款都好得，寫緊食評都掛住，下次一定再幫襯，等我介紹一下比大家先，睇相已經好吸睛，因為賣相同照片一樣。黑糖芋圓仙草：我就試咗LEE款，芋圓+地瓜圓+紫薯圓+小丸子=幾款都係煮得煙煙韌韌，甜度適中，口感一流，每粒都食得出唔同嘅味道；水晶珠+西米=清清地，同個糖水好夾；黑糖條+仙草=同樣有口感；加埋台式黑糖糖水，真係好好味。椰芋：至於老婆食嘅就比我食嗰款有D唔同，雖然糖水配料大至相同，但佢LEE款椰香味都幾重，佢話好鐘意，椰果粒+椰果條+海底椰真係好椰，我自己偏愛原味一D，椰香都OK嘅，只係凍奶我就一般，都係自己揀嘅先啱自己口味一點。