Sweetology (Closed)

在OR評價不太高的Sweetology，一直希望一試睇下能否幫她平反一下。今天和朋友到了九龍塘行街，平日下午的人流也不太多，而且加上有下午茶，看看價錢，也都合理；於是一試。宇治抹茶梳乎厘（$68）這個上枱真係嘩一聲，因為個杯好靚，好似英式咁！加上梳乎厘要即做，所以都要等左廿分鐘。不過係值得架，因為都唔錯。抹茶味好出，本來以後佢而係單調的抹茶梳乎厘，不過原來入面仲有紅豆，好得意呀！第一次食有餡的梳乎厘！而且仲有抹茶飲架！由抹茶粉沖出的，較苦澀但係我都幾鍾意，係當食完比你沖一沖喉嚨！芥末腸仔卷（$48）這個十級讚好，真係一點也不馬虎！是好粗的德國雞肉腸，由煙肉包住，中間也有少少芥末，不過食唔出有嗆喉的感覺。看似平平無奇的一個小食，真係比想像中好好多。當中仲有半碟沙律，都好fresh！食完少左好多罪惡感架！三色香蕉可麗餅配朱古力movinpick雪糕　（$68）這個有點失望，因為可麗餅上枱是凍的，而且有點點硬，不知是否放耐左。不過香蕉的份量都幾多，仲有貴價的movinpick，朱古力味好濃，呢個是惟一欣賞的地方。