Sweets House Cha Cha

Open Now

Now Closed

食完北京烤鴨轉場食甜品，去左City'super嘅Sweets House Cha Cha，好耐冇黎。見到Sweets House Cha Cha有新口味產品，係日本黑芝麻系列，一定要試吓。日本黑芝麻吉士大判燒 $20燒餅有個可愛笑臉，外皮少少脆，入面黑芝麻吉士無論質地定味道都完全符合預期，分量都頗足。只係温度得微微暖，熱啲就好啦。日本黑芝麻醬牛奶軟雪糕 $48日本黑芝麻醬係日本百年老店傳統人手焙煎技術磨碎而成，黑芝麻味堅香濃，牛奶軟雪糕本身又厚身又滑，牛奶味又香濃，加埋黑芝麻醬就更加正，好夾。杯裝黑芝麻醬會多啲，抵食啲。雪糕上面兩塊威化又甜又薄脆。唔錯唔錯！呢個價錢份量都唔少。雙色窩夫 $68驚食抹茶雪糕會訓唔著，叫左牛奶軟雪糕同牛奶軟雪糕既雙色窩夫，加$10加日本黑芝麻醬。牛奶軟雪糕份量好多，質素都係一流！加埋黑芝麻醬就更加無得彈！配3粒冇餡白玉丸子，質素可以，仲有1粒栗子同紅豆蓉。紅豆蓉都係配抹茶夾d。窩夫都好薄脆，算好食既。清嗮所有雪糕超飽！呢個價錢份量都算唔錯。總括而言，日本黑芝麻系列值得一試，而呢度既牛奶軟雪糕質素真係幾好。服務員服務態度都唔錯。