Sweets House Cha Cha

Open Now

Now Closed

經過見到有農曆新年嘅軟雪糕口味，好吸引喎，即刻試吓先。日本淡雪士多啤梨 Deluxe Soft Cream $68日本淡雪士多啤梨 Deluxe Soft Cream賣相好唔錯。日本淡雪士多啤梨足有3粒，好抵食喎。最底有兩粒淡雪士多啤梨，上面加滿牛奶溝淡雪士多啤梨味嘅軟雪糕，帶淡淡粉紅色，再伴多一粒淡雪士多啤梨，上面加上士多啤梨果醬，一塊好薄脆嘅脆餅同一片薄荷葉。味道方面，一入口就食到淡雪士多啤梨味道，軟雪糕質感一貫濃滑，不過越食就越黎越淡味，因為俾士多啤梨果醬嘅酸甜味淹蓋。淡雪士多啤梨唔甜，反而覺酸。呢杯雪糕都係只啱打卡，食落唔太好食。芝麻吉士大判燒 $20順便又買返個大判燒食先。大判燒買4送1，4個芝麻吉士送一個$18，揀左紅豆。店員話芝麻吉士大判燒剛出爐，不過只係暖暖哋，唔夠熱，外皮又唔脆，個饀就夠多芝麻吉士，差左喎。總括而言，今次食嘅兩樣食品都幾令人失望喎。要隔好一排先再黎。