T8 Japanese Cuisine (Closed)

聖誕12月又係同朋友食大餐嘅時候，朋友介紹T8 Japanese Cuisine 有新出嘅lunch menu，有齊刺身，鐵板燒同甜品等，好似好豐富！餐廳係LKF個邊，食完去飲返杯都好方便。我地今日食嘅係叫秋櫻嘅套餐先嚟刺身沙律貌相好吸引，係海膽平目魚配上王林蘋果同大根切絲，配搭咗昆布醋啫喱，成個口感非常豐富，仲好清新，令到人胃口大開。側邊仲有啲秋葵籽，口感好特別。鮑魚配鮑魚肝醬師傅即場係面前處理鮑魚，好似睇表演咁！有得睇又有得食，哈哈。鮑魚都好大隻，係南非鮑魚。切片再配上鮑魚肝醬上台，鮑魚彈牙帶鮮味，加上肝醬味道濃郁綿滑，令鮑魚嘅甜味再有提升。A4和牛薄燒師傅又再先比和牛我地睇睇，非常大份，而且油花均勻豐富。師傅仲好細心，會問我地想食生啲定熟啲，配合返每個人嘅口味。和牛燒得外脆內軟，保留到肉汁。薄燒內夾住牛蒡同wasabi昆布，減低咗油膩感，整個組合又幾夾幾得意。香蔥吞拿魚腩飯嚟到主食份量一啲都唔少，呑拿魚蓉充滿油香，食落口感creamy，日本米亦夠飯香。雞肉丸子清湯食咗咁多野，有個湯清清味蕾。湯用上松茸，有種淡淡嘅鮮甜味。丸子亦係餐廳自家製，有脆骨口感彈牙。甜品甜品幾有驚喜，擺盤好